NATO ilə Azərbaycan arasındakı əlaqələr alyansın Azərbaycanın suverenliyi və ərazi bütövlüyünə birmənalı dəstəyi nəticəsində daha da güclənmişdi

Azərbaycan özünün çoxvektorlu xarici siyasət startegiyasını həyata keçirərkən təhlükəsizlik məsələlərinə hər zaman böyük diqqət ayırmışdır. Buna görə də Azərbaycan müasir dünyanın ən böyük hərbi alyansı – NATO ilə əlaqələrə xüsusi önəm vermiş və bu əməkdaşlığı səmərəli və balanslaşdırılmış xarici siyasət üçün vacib faktor hesab etmişdir. Azərbaycan 18 oktyabr 1991-ci ildə, SSRİ dağılandan sonra, digər postsovet ölkələri kimi yenidən müstəqilliyini qazandı. Azərbaycan 1992-ci ildə NATO-nun idarə etdiyi Şimali Atlantika Əməkdaşlıq Şurasına üzv oldu və 4 may 1994-cü ildə NATO ilə təhlükəsizlik və müdafiə sahəsində əməkdaşlığı inkişaf etdirmək üçün Sülh Naminə Tərəfdaşlıq (SNT) Çərçivə Sənədini imzaladı. Azərbaycan Kosovoda,Əfqanıstanda olan NATO-nun sülhməramlı əməliyyatlarına dəstək məqsədilə hərbi birlik göndərmişdir. Bu əməliyyatlarda iştirak vasitəsilə Azərbaycan Respublikasının Silahlı Qüvvələri NATO qoşunları ilə ortaq əməliyyatlar keçirilməsi təcrübəsi əldə etmiş və sülhməramlı qoşunlarımızın peşəkarlıq səviyyəsini artırmışdır.
NATO ilə Azərbaycan arasındakı əlaqələr alyansın Azərbaycanın suverenliyi və ərazi bütövlüyünə birmənalı dəstəyi nəticəsində daha da güclənmişdi. Prezident İlham Əliyevlə Yens Stoltenberqin görüşündə müzakirə edilən əsas məsələlərdən biri və ən başlıcası “Qarabağ Zəfəri” və Ermənistanla tez bir zamanda sülh sazişinin bağlanması idi. Sülhə heç vaxt olmadığımız qədər yaxınıq. Xarici işlər nazirləri və sərhədlərin delimitasiyası ilə bağlı Baş nazirlərin müavinləri arasında keçirilmiş görüşlər məsələnin həlli üçün yaxşı imkanın olduğunu nümayiş etdirir.Prezident Ilham ƏliyevAzərbaycanın sülhməramlı addımlar atdığını və bu günə qədər erməni həmkarlarla sülh sazişinin layihəsinə dair 7 dəfə görüş keçirildiyini qonağın diqqətinə catdırmışdır.Təbii ki, bu regionda sülh bölgə xalqları, ölkələri üçün çox vacibdir, o, həmçinin Qara dəniz regionu və Şimali Atlantika təhlükəsizliyi üçün əhəmiyyətlidir. Buna görə də sülh və sabitlik nəinki burada, həmçinin daha geniş miqyasda təhlükəsizlik üçün vacibdir.Rəsmi Bakı dövlətlərin beynəlxalq səviyyədə tanınan ərazi bütövlüklərinin toxunulmazlığını müdafiə etməklə yanaşı, bu istiqamətdə ikili yanaşmalara da dəfələrlə etiraz edib.Prezident Avropanın enerji təhlükəsizliyində ölkəmizin oynadığı rolu da Baş katiblə müzakirə edib. Brüsseldəki son görüşlərindən sonra bəri qaz təchizatı baxımından NATO-ya üzv daha 2 dövlətin Azərbaycanın tərəfdaşı olduğunu vurğulayıb. Ölkəmizin belə dinamik inkişafı onun mövcud olduğu regiona da müsbət təsir göstərməkdədir və Cənubi Qafqazın sərhədlərini aşan böyük bir coğrafi məkanın dünya üçün əhəmiyyətinin daha da artmasında, iqtisadi göstəricilərinin yaxşılaşmasında əsas rol oynadığı danılmaz faktdır.

Maştağa qəsəbəsi, 293 saylı orta məktəbin
ingilis dili müəlliməsi Lamiyə Mikayılova

Tarix: 19-03-2024, 09:11 Oxunub: 26