Daxili enerji tələbatımızı öz gücümüz hesabına ödəyirik

Enerji məsələsi bu gün dünyada ən aktual mövzulardandır, hər bir dövlət özünün enerji təhlükəsizliyinə xüsusi diqqət ayırır. Ulu Öndər Heydər Əliyev tərəfindən müəyyən olunmuş Azərbaycanın enerji strategiyası ölkəmizi bu sahədə lider dövlətlər sırasına yüksəldib. Fəxarətlə deyə bilərik ki, busiyasətin dövlətimizin başçısı cənab İlham Əliyevtərəfindən uğurla davam etdirilməsi sayəsində Azərbaycan enerji tələbatını özünün daxili imkanları hesabına tam şəkildə ödəyir və ixrac imkanları yüksəlir
Azərbaycanın enerji sahəsində həyata keçirdiyi əməkdaşlıq strategiyası artıq 30 illik tarixə malikdir. 1994-cü ildən başlayan Əsrin müqaviləsi ilə, daha sonra neft strategiyasının qaz strategiyası ilə əvəz olunması, daha sonra isə alternativ enerji mənbələrindən istifadə edilərək, enerji strategiyası əldə olunur. Azərbaycanın Mingəçevirdə dünən əsası qoyduğu İstilik Elektrik Stansiyası ölkəmizin elektrik enerjisi istehsalındakı həcmini daha da artıracaq. Nəzərə almaq lazımdır ki, Azərbaycanda ortalama 27,8 kilovat-saat milyard enerji istehsal olunur. Onun da bir hisəsi ixrac olunur və daxili tələbatı demək olar ki, biz öz gücümüz hesabına ödəyirik. Yeni istehsal sahələrinin yaradılması ixrac qabiliyyətini daha da artırır. O cümlədən də Azərbaycana valyuta axınını təmin edir. Son 20 ildə Prezident İlham Əliyevin rəhbərliyi ilə ölkəmizdə 34 yeni elektrik stansiyası tikilmiş və enerji gücü 3400 meqavat artmışdır: 13 fevralda təməli qoyulmuş 1280 meqavatlıq yeni Mingeçevir Elektrik Stansiyası ölkəmizin enerji gücünü daha da artıracaq. Bu stansiya müasir texnologiyalar üzərində qurulacağından daha qənaetcil və ekoloji təmiz olacaq. Belə ki, il ərzində 1 milyard kubmetrə qədər qaza qənaet olunacaqdır ki, bu da Avropaya qaz ixracında əlavə imkanlar yaradacaqdır.
zərbaycan energetika sahəsində böyük uğurlara imzaatmaqdadır. Bu istiqamətdə ölkəmizin malik olduğubütün potensial yüksək dəyərləndirilir, yeni-yenilayihələr həyata keçirilir. Ötən il 240 meqavat gücündə "Xızı-Abşeron" Külək Elektrik Stansiyasının və 230 MVt gücündə Qaradağ Günəş Elektrik Stansiyasınıntəməlləri qoyuldu. Ümumilikdə bu cür layihələrin icrası, uğurla tamamlanması ölkəmizin iqtisadi gücünü əks etdirir. Stansiyanın tikintisində İtaliyanın və Çinin şirkətləri iştirak edəcək. Məlumdur ki, hər iki ölkə ilə Azərbaycanın geniş əlaqələri mövcudur, bir çox sahələrdə əməkdaşlıq genişlənir. Xüsusi ilə vurğulayım ki, Azərbaycan İtaliyanın enerji təhlükəsizliyində vacib ölkələrdəndir, münasibətlərimiz strateji tərəfdaşlıq səviyyəsinə yüksəlib. Vətən müharibəsi zamanı bu ölkə Azərbaycanla həmrəylik nümayiş etdirdi. Bu gün işğaldan azad edilmiş Şərqi Zəngəzurda və Qarabağda İtaliya şirkətləri abadlıq-quruculuq işlərində yaxından iştirak edir.
Turqay Qəribov-Ramana bələdiyyəsinin sədri

Tarix: 15-02-2023, 12:14 Oxunub: 110