Hədəfimiz distribüteri olduğumuz brendlərin ölkə ərasizində olan bütün ticarət nöqtələrinə satışını həyata keçirmək, həmçinin onlayn satış xidmətini ölkədə daha da inkişaf etdirərək müştərilərimizin işini asanlaşdırmaq və onların sevgisini qazanmaqdı

Sahibkarlarla iftar süfrəsi

11 aprel MARSOL MMC-nin təşkilatçılığı,“Ağ Saray Residence”, “Qayo”, “Sabiroğlu”, “Top supermarketlər” şəbəkəsinin dəstəyi və “Vəlioğlu” şirkətinin tərəfdaşlığı ilə “Marriott Hotel Boulevard”da 400-ə yaxın sahibkarın və dövlət qurumlarının iştirakı ilə Ramazan ayı münasibətilə “Sahibkarlarla iftar süfrəsi” adlı tədbir təşkil olunub.

Tədbirin salamlama nitqini “Marsol” MMC-nin təsisçisi Tural Mustafayev edib. İştirak edən dövlət qurumlarının nümayəndələrini və Marsol partnyorlarını salamlayaraq, Ramazan ayı münasibətilə hər kəsi təbrik edib və gələcək dövr üçün fəaliyyətlərində uğurlar arzu edib.

“Sahibkarlarla iftar süfrəsi” tədbirində dövlət qurumlarından olan qonaqlar- Azərbaycan Respublikasının Kiçik və Orta Biznesin İnkişafı Agentliyinin İdarə Heyətinin sədri Orxan Məmmədov, Azərbaycan Respublikası Sahibkarlar Təşkilatları Milli Konfederasiyası vitse prezidenti Vüqar Zeynalov, Azərbaycan Respublikası Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyinin İdarə Heyətinin sədri Mustafa Abbasbəyli, Azərbaycan Respublikasının Sahibkarlığın İnkişafı Fondunun İdarə Heyətinin sədri Osman Xaliyev, Mediasiya şurası İdarə Heyətinin sədri Nadir Adilov və Milli Məclisin deputatı Vüqar İskəndərov və deputat Emin Hacıyev iştirak edib.

Biznes imkanları, məlumat mübadiləsi və innovasiyaya yol açan Marsolun təşkil etdiyi “Sahibkarlarla iftar süfrəsi” sahibkarların səmimi mühitdə yeni tanışlıqlar və dostluq münasibətləri qurub, netvorkinq əlaqələrini genişləndirməsinə vəsilə oldu.

İnternat Məzunlarının Sosial İnteqrasiyası İctimai Birliyi ilə layihə

"Vəlioğlu-2018" MMC hər zaman inkişafa və gənclərə həsr olunan tədbirlərdə xüsusilə iştirak edir və bu tip layihələrə hər zaman öz dəstəyini göstərir. Belə tədbirlərdən biri də Marsol MMC ilə birlikdə “İnternat Məzunlarının Sosial İnteqrasiyası” İctimai Birliyinin təşəbbüsü ilə internat evlərinin məzunlarının qurmaq istədikləri mikro biznes haqqındadır. Biz isə bu layihəyə kiçik də olsa qatqımız olsun istədik. Mikro biznesdə avadanlıqların daşınması üçün minik avtomobili qoşqusu bu gün əməkdaşları internat məzunlarından təşkil olunmuş birliyin sədri Araz Əhmədova təqdim edilmişdir. Hər zaman dəstək olacağımızı və irəlilədikləri yolda uğurlu davam etmələri üçün yanlarında olacağımızı minnətdarlıqla bildirmək istərdik.

Autizmli uşaqlara və gənclərə dəstək

Birgə və Sağlam İctimai Birliyi və "Vəlioğlu-2018" MMC autizmli uşaqlara dəstək məqsədi ilə əməkdaşlığa başlamışdır. Birgə və Sağlam İctimai Birliyi Azərbaycanda autizm spektr pozuntusu olan uşaqların erkən yaşda müəyyənləşdirilərək təhsil qiymətləndirilmələrinin edilməsi, diaqnoz almış uşaqların xüsusi təhsil, məktəbəqədər təhsil, ixtisas əldə etmə, özünü idarə etmə və müstəqil davranış kimi ehtiyaclarına uyğun tədrisin təmin olunması yolunda uğurla fəaliyyət göstərir. Hər zaman dəstək olacağımızı və irəlilədikləri yolda uğurlu davam etmələri üçün yanlarında olacağımızı minnətdarlıqla bildirmək istərdik.

Biz kimik?
“Vəlioğlu 2018” MMC adından da göründüyü üzrə 2018-ci ildə təsis edilmişdir. Yarandığı gündən ölkə iqtisadiyyatına öz möhtəşəm töhfəsini verən və müştəri məmnuniyyəti üçün xidmət göstərən şirkət hal hazırda Azərbaycan Respublikası ərazisində yerləşən ticarət məntəqələrinə qida və qeyri-qida məhsullarının satış xidmətini həyata keçirir.
“Vəlioğlu 2018” MMC geniş və müasir texnoloji vasitələrlə təchiz olunmuş anbar, dağıtım maşınları və onlayn ödənişsiz və limitsiz çatdırılma ilə hər zaman yüksək xidmət və keyfiyyət prinsipini qoruyub saxlamağı və innovativ yanaşma tərzi ilə yenilikləri əlçatan etməyi bacarır. Günü gündən böyüyən peşəkar, positiv və kreativ komanda ilə xidmət göstərən “Vəlioğlu 2018” MMC müştərilərinə hər zaman dəyər verir və onların məmnuniyyəti üçün dayanmadan çalışır.

Hədəfimiz
Hədəfimiz distribüteri olduğumuz brendlərin ölkə ərasizində olan bütün ticarət nöqtələrinə satışını həyata keçirmək, həmçinin onlayn satış xidmətini ölkədə daha da inkişaf etdirərək müştərilərimizin işini asanlaşdırmaq və onların sevgisini qazanmaqdır.

Missiyamız
Məhsullarımızı ölkə ərazisinin bütün satış nöqtələrində müştərilərimizə təqdim etmək, onları yüksək keyfiyyət, sərfəli qiymət və bol çeşidlə təmin etmək, ödənişsiz və limitsiz onlayn çatdırılma xidmətimizlə onların məmnuniyyətini qazanmaq hədəfimizə çatmaq üçün olan missiyamızdır.

Tarix: 2-05-2022, 11:29 Oxunub: 101