İtirən tərəf Fransa olacaq - Açıqlama » Xeberim.info.az İnformasiya Agentliyi

Fransa qanunverici orqanlarının Azərbaycana qarşı qəbul etdiyi qərəzli, saxta məlumatlara əsaslanaraq hazırlanan ədalətsiz o yarasız kağız parçası təkcə dölətimizin ərazi bütövlüyünü hədəf almaqla yanaşı, beynəlxalq hüquq normalarına və prinsiplərinə hörmətsizlikdir.

Bunu açıqlamasında deputat Ülviyyə Ağayeva deyib.

Onun sözlərinə görə, reallıqlardan uzaq tamamilə təhriflər əsasında hazırlanan “qətnamə” olduğundan o, istifadəyə yarasız bir kağız parçasıdır. “Çünki Fransa Ermənistan-Azərbaycan münaqişəsinin tənzimlənməsində vasitəçilik missiyasına uyğun olaraq ədalətli və bitərəf mövqe sərgiləmək əvəzinə, hər zaman açıq şəkildə terroru, faşizmi, işğalı dövlət siyasəti səviyyəsində həyata keçirən Ermənistanı dəstəkləyib. Nəinki, dəstəkləyib, eyni zamanda onu növbəti işğallara, hərbi cinayətlər, terror, soyqırım siyasətini həyata keçirməyə şirnikləndirib. O baxımdan da belə bir dövlətin qəbul etdiyi sənəd ancaq və ancaq beynəlxalq hüquqa hörmətsizliyi əks etdirən, istifadəyə yarasız bir kağız parçası ola bilər”- o qeyd edib.

Deputat əlavə edib ki, Fransaya rəhbərlik edənlər keçmişdəki qara ləkəli tarixlərindən nəticə çıxarmaq əvəzinə, yenə də həmin səvh siyasəti həyata keçirməkdədirlər: “Fransa tarixən bir müstəmləkəçi, sümürgən dövlət olaraq törətdiyi insanlığa sığmayan vəhşiliklər, qətliamlar, soyqırımlar, hərbi cinayətlərlə “zəngin” ləkəli bir tarixə malik ölkədir. Tarixin acı təcrübəsindən nəticə çıxarmaq əvəzinə Fransa bu gün də dövlət səviyyəsində həmin siyasəti həyata keçirməkdədir.

Fransa prezidentinin, həmçinin son illərdə bu ölkədə həyata keçirilən islamafobiya, türkafobiya, iqrçilik, rasizm siyasəti, o cümlədən Azərbaycan qarşı Senat və Milli Assambleyasının qəbul etdiyi qətnamələr bunun bariz nümunəsidir. Odur ki, Fransa Milli Assambleyasının qəbul etdiyi “qətnamə”ni qəti şəkildə rədd edir və bunu siyasi riyakarlıq kimi qiymətləndiririk. Çünki bu kağız parçası təkcə Cənubi Qafqaz bölgəsində gərginliyin davam etməsinə deyil, o cümlədən Avropa qitəsinin də təhlükəsizliyinə təhdid yaradır. Ona görə də bu kağız parçasına səs verənlər istər bölgəmizdə, istərsə də Avropada baş verə biləcək bütün mürəkkəb hadisələr üçün məsuliyyət daşımalı olacaqlar.

Hesab edirəm ki, Azərbaycan da beynəlxalq hüquqa əsaslanaraq Fransanın bu hərəkətlərinə adekvat olaraq, yürütdüyü siyasəti bynəlxalq aləmdə ifşa etməklə, müttəfiqləri və dostları ilə birgə layiqli cavabını verəcək. Sonda bunun acı aqibətini Fransa dövləti və xalqı yaşamalı olacaq. Nəticə etibarı ilə Fransa qazana yox, itirən tərəf olacaq”.

Tarix: 3-12-2022, 10:44 Oxunub: 43