Əliyev “gəlin” desə, 800 min türk əsgər Bakıya qaçar - Türkiyəli yazar

Türkiyəli yazar Həsən Barın Türkiyə-Azərbaycan münasibətləri, iki dövlət arasındakı güclü əlaqələrin olması ilə bağlı məqalə yazıb.

Həmin məqaləni təqdim edirik:

1915-ci il. Çanaqqala savaşında könüllü şəhid olan azərbaycanlı türklərinin sayı 3 mindən çoxdur. Yaralı sayı isə bilinmir.
Ənvər Paşanın təyin etdiyi Nuru Paşa rəhbərliyindəki Qafqaz İslam Ordusu 1918-ci ildə Bakını düşmən işğalından azad etdi.

Bunlar Osmanlı dövlətinin zamanında olanlardır.

Gələk Qurtuluş savaşına.

Qurtuluş savaşında Atatürk kömək istəyir. Azərbaycandan xeyli miqdarda qızıl, neft göndərilir. Atatürk Nəriman Nərimanova məktub yazıb “borcumuz nə qədərdir” deyə soruşur. Nərimanovun cavabı çox mənalı olur: “Borc dostla dost arasındadır, qardaşın qardaşa borcu olmaz”.

Mürsəl Bakı I Dünya müharibəsində və Türkiyə Qurtuluş savaşında əhəmiyyətli vəzifələri öhdəsinə götürmüş, Bakı və İzmir şəhərlərini işğaldan azad etmiş, daha sonra bir dönəm millət vəkili olmuş qafqaz əsilli türk əsgəridir.

O, 1922-ci ilin 9 sentyabrı səhər, Birinci Süvari diviziyasının komandiri olaraq İzmirə ilk girən türk paşasıdır və soyadından da başa düşüldüyü kimi Azərbaycan türküdür.

Hələ yarası qanayarkən İzmir Hökumət Evindən Yunan bayrağını endirib Türk bayrağını asaraq, bu zövqü və qüruru heç kimə verməyən Şərafəddin İzmir qafqaz əsillidir. Dəqiq məlumat olmasa da, böyük ehtimalla Azərbaycan əsillidir.

Birinci Qarabağ müharibəsində gizli yollardan gedərək müharibəyə könüllü qoşulan xeyli sayda əsgər oldu.

Türkiyədən könüllülərdən ibarət “Rüzgar” birliyinin komandirini, orada qazi olanlardan bəzilərini yaxından tanıyıram.

I Qarabağ müharibəsindən sonra Azərbaycan Ordusunun hazırlanması üçün iki yüz zabit Azərbaycana göndərilir. Türkiyədəki hərbi məktəblərdə azərbaycanlı zabitlər yetişdirilir, onlar da Azərbaycanda zabit və əsgərləri yetişdirir.

Azərbaycan Ordusuna komandanlıq edən, zəfərdən zəfərə qaçan zabitlər Türkiyədə təlim keçmiş bu zabitlərdir.

2000-ci il, İran Azərbaycanın neft gəmilərini Bakıya qədər geri çəkilməyə məcbur etmişdi.
Türkiyədən İrana cavab gəldi: “Bunu təkrarlasan, qarşında Türkiyə Donanmasını görəcəksən”.

2001-ci il, İran Azərbaycan hava məkanını pozan kimi Türkiyə mövqeyini və edə biləcəklərini göstərmək məqsədilə Türk şahinlərini Bakıya göndərir.

Bunlar qeyd etdiyim tarixlərdə baş verənlərin yalnız və yalnız bir hissəsidir. Daha yaxın tarixlərdə iki dövlət, tək millət məntiqi ilə deyil, tək dövlət, tək millət məntiqi ilə imzalanan Şuşa Bəyannaməsi qapı kimi durur.

Beynəlxalq hüquqa görə, dövlətlərdə davamlılıq var və dövlətlərin bağladıqları müqavilələr bir və ya iki hökumətlik deyil.

Ermənilər Türkiyə-Azərbaycan münasibətlərini başqa ölkələrlə qarışdırmasın!
Bizim bağlarımız Ermənistan ordusu Azərbaycan Ordusu qarşısımda əzim-əzim əzilərkən bir-iki açıqlama verməkdən o tərəfə heç nə etməyən Fransa ilə, gizli şəkildə dəcəllik edən uşaq ədasıyla Ermənistana silah göndərən İran münasibətlərinə bənzəmir. Onlara qaz verən Fransa, Tovuz hücumlarından sonrakı müharibədə, İkinci Qarabağ savaşında Ermənistanın işğal etdiyi Azərbaycan torpaqlarını Ermənistan bir-bir itirəndə harada idi?

Türkiyəni idarə edən hökumətlər olsa da, xüsusilə xarici siyasətdə və ələlxüsus da Azərbaycanla bağlı məsələlərdə Türkiyəni dövlət ağlı idarı edir.
Dövlətin ağlının arxasında 60 faizdən çox səs potensialına malik Türk Millətçiləri və Azərbaycan-Türkiyə qardaşlığını müdafiə edən yüzlərlə qeyri-hökumət təşkilatı dayanır.
Heç bir hökumət də bunları heçə sayıb, onların istəmədiyi qərarları verə bilməz.

Bir əsrdən artıqdır ki, iki dövlətin ən zəif vaxtlarında belə dəyişməmiş, qan bağı və ortaq tale bağlı siyasət, indi çox güclü olduğumuz dönəmlərə çatmışkən, bir yox, 3-5 hökumət dəyişiləndəmi dəyişəcək?!

Gələk vətəndaş ölçüsünə;

“Reuters” “Türkiyədə “öl” deyən kimi öləcək 800 min insan var” deyə bir araşdırma aparıb (10 il əvvələ aiddir, indi say daha da artıb).
Bu milliyətçilərin Azərbaycana gəlməsi, Azərbaycan Prezideninin “gəlin” deməsinə bağlıdır.

Ermənistanın qadın, qız və yaşlıları toplayaraq cəbhədə döyüşə biləcək əsgər sayı 60 mini ötmür.

İcazəsiz ov edənləri kənara qoyun, Türkiyədə dövlətdən icazə alaraq ovçuluq edənlərin sayı 3 mindən çoxdur.
“Xəbərdarlıq eləmədi” deməyin, çoxu da donuz ovlayır.

Siz ermənilər, erməni mətbuatı, bu qədər dediklərimdən sonra Türkiyədə hökumət dəyişərsə, Azərbaycan siyasəti də dəyişər deyə sevinəcəyinizi deyirsiniz?

Yaxşı sevinin!

Nə də olsa, biz cəbhədə daha öncə üzdüyümüz kimi üzməyi də bilirik!

Bunu da unutmayın: “Nə mutlu türkəm deyənə”!

Tarix: 30-03-2023, 10:34 Oxunub: 15