AZƏRBAYCAN ALMANİYA ƏLAQƏLƏRİ İNKİŞAF EDİR

Azərbaycanın balanslaşdırılmış xarici siyasəti uğurla davam edir. Prezident İlham Əliyevin Almaniyaya səfəri bir sıra mühüm məqamlarla yadda qaldı. Belə ki, Dövlət başçısı burada bir sıra görüşlər keçirərək, müzakirələr apardı. Ekspertlər hesab edir ki, son illər Azərbaycan Almaniya arasında əlaqələr sürətlə inkişaf edir. Fransadan fərqli olaraq rəsmi Berlin, Cənubi Qafqazda baş verən proseslərə daha obyektiv, daha ədalətli prizmadan baxır.Almaniya rəsmiləri Azərbaycanın narazılığına səbəb olacaq məsələləri nəzərə alaraq, ittihamedici mövqedən çıxış etmirlər. Almaniya Avropanın ən güclü iqtisadiyyatına sahib ökədir.Qafqazda yaranmış reallığı bəzi ölkələrdən daha yaxşı başa düşür və qəbul edir. Heç təsadüfi deyil ki, Azərbaycan Almaniya əlaqələrinin yüksək səviyyədə olmasında, dövlət başçısının bu ölkəyə çoxsaylı səfərləri də xüsusi rol oynayıb.
Cənubi Qafqazda sülh proseslərinə töhfə vermək Almaniyanın əsas prioritetlərindən biridir. Belə ki, Almaniya indiyə kimi bir neçə dəfə Azərbaycan Ermənistan liderlərinin görüşünü təşkil edib. Həm də xarici işlər nazirləri Almaniyada görüşüblər. Bu da Almaniyanın sülh prosesində daha çox maraqlı olduğunu göstərir. Düzdü, əvvəlki dövlə müqayisədə Almanyanın xarici siyasətində bir aktivlik müşahidə edilir. Bununda əsas səbəblərindən biri Fransanın bu sahədə ümidləri doğrultmamasıdır. Fransa artıq Afrikadan qovulub, bu ölkə Cənubi Qafqazda istənmir. Makron və onun komandasının mənfur planları beynəlxalq ictimaiyyət tərəfindən qəbul edilmir. Vəziyyət belə olanda daha obyektiv mövqe nümayiş etdirən bir Avropa ölkəsinə ehtiyac olduğunu rəsmi Berlində də başa düşürlər.Avropada Makronun buraxdığı səhvlər təkrarlana bilməzdi. Onu da qeyd eləmək lazımdır ki, Azərbaycan artıq qalib ölkədir. BMT qətnamələrini icra edən ölkə, digər dövlətlərin onunla diktə dili ilə danışmasına razı ola bilməz. Artıq nəzərəçarpacaq irəliləyişlər də müşahidə edilir. Belə ki, Azərbaycanla Ermənistan arasında gedən proses nəticəsində sərhədlərin delimitasiyası və hətta demarkasiyası prosesi də başlayıb.1990-cı və 1992-ci illərdə işğal edilmiş Qazaxın 4 kəndi bizə qaytarılır. Rusiyaya məxsus sülhməramlı qüvvələrin Qarabağdan vaxtından əvvəl çıxmasından sonra Azərbaycanda yerləşən Rusiya-Türkiyə Birgə Monitorinq Mərkəzi də öz fəaliyyətini dayandırıb. Almaniya səfəri zamanı bəzi media qurumlarının səsləndirdiyi suallara da elə yerindəcə cavab verildi. Bildirildi ki, hər bir ölkə özü qəbul etdiyi qanunları qorumalıdır.Vurğulandı ki, Azərbaycanda mətbuat azadlığı təmin edilib, jurnalistlər öz fəliyyətlərini azad şəkildə davam etdirə bilirlər. Əgər xaricdən qanunsuz vəsait alan hansısa media nümayəndəsi istintaqa cəlb edilibsə, o demək deyil ki, bizdə media azad deyil.Hər kəs qanun çərçivəsində fəaliyyət göstərməlidir. Qarabağda aparılan tikinti-quruculuq işləri ilə bağlı da səsləndirilən fikirlərin də əsassız olduğu ifadə edildi. Belə ki, burada icra edilən layihələr tam qanuna uyğun formada həyata keçirilir. Bu ilin sonuna qədər, müharibə başa çatandan sonra Qarabağa və Şərqi Zəngəzura 12 milyard manat, yəni, təqribən 7 milyard dollar vəsait ayrılıb. Azad olunmuş torpaqlara müntəzəm surətdə media turları təşkil edilir. O cümlədən xarici media nümayəndələri də vəziyyətlə tanış olurlar. Müharibədən cəmi üç il yarım vaxt keçib, artıq 6 min keçmiş köçkün öz dədə-baba torpağına qayıdıb.Proses bu gündə davam etdirilir. Bu ilin sonuna qədər 20 min köçkün qayıdacaq. Azərbaycan artıq bir neçə ildir ki, Avropanın enerji təhlükəsizliyində xüsusi rol oyanıyır. Gündəlikdə duran əsas məsələlərdən biri də yaşıl enerjiyə keçid və bunun Avropaya ixracı məsələsidir. COP29-a ev sahibliyi etməyə hazırlaşan Azərbaycan bu sahəyə xüsusi önəm verir. 2027-ci ilin sonuna qədər 9 günəş və külək elektrik stansiyası hazır olacaq. Onların enerji potensialı 2 qiqavata bərabərdir. 2030-cu ilə qədər isə əlavə 10 külək və günəş elektrik stansiyası tikiləcək ki, onların da potensialı 5 qiqavata qədərdir. Bir sözlə Almaniyaya işgüzar səfər zamanı əlaqələrə yenidən nəzər salındı, bundan sonra əlaqələri hansı sahədə gücləndirmək olar bununla bağlı fikir mübadiləsi aparıldı.

Sabunçu qəsəbəsi, 155 nömrəli tam orta məktəbin direktoru Ruhiyyə İbrahimova

Tarix: 29-04-2024, 14:57 Oxunub: 80