Fevralın 26-da Xocalı tam alova bürünmüşdür

1992-ci ilin fevral ayının 25-dən 26-na keçən gecə Azərbaycan tarixinin ən dəhşətli səhifələrindən biri olan Xocalı soyqırımı aktı baş vermişdir. Ermənistan silahlı qüvvələri beynəlxalq hüququn norma və prinsiplərini kobudcasına pozaraq keçmiş sovet ordusunun Xankəndidə yerləşən 366-cı alayının iştirakı ilə Xocalı şəhərinə hücum etdi və dinc əhaliyə misli görünməmiş qəddarlıqla divan tutdu.
         Xocalı Azərbaycanın Qarabağ bölgəsinin inzibatı sərhədləri daxilində Ağdam, Şuşa, Xankəndi, Əsgəran yolunun üzərində yerləşir.
       Xocalı 1991-ci ilin oktyabrından blokadada idi. Oktyabrın 30-dan Xocalı ilə əlaqə kəsilmişdi. Yeganə nəqliyyat vasitəsi vertolyotla gediş qalmışdı. Yanvarın 2-dən etibarən şəhərdə elektrik də kəsilmişdi. Şəhər ancaq əhalinin dəstəyilə ayaqda qalmışdı.
           Fevralın 2-ci yarısından başlayaraq Xocalı erməni silahlı dəstələri tərəfindən mühasirəyə alınmışdı. Şəhər hər gün erməni silahlı dəstələr tərəfindən toplardan, ağır texnikalardan atəşə tutulurdu.
         Fevralın 17-dən etibarən ermənilər bir neçə istiqamətdən Xocalıya zirehli qoşun yeridildi. Şəhər ağır zirehli texnikalardan atəşə tutuldu.
         Fevralın 26-da Xocalı tam alova bürünmüşdür. Ermənilər dinc əhaliyə atəş açmağa başladılar. İnsanlar evlərini tərk edərək meşəyə, zirzəmilərə və sığınacağa yerləşirdilər. Ermənilər meşədə qaçıb gizlənən insanları Azərbaycan dilində çağırışlar edir, yaxına gələnləri əsir götürür, qaçanları isə öldürürdülər. 100-lərlə köməksiz insanları amansızcasına qətlə yetirdilər. Qocalara, xəstələrə, uşaqlara hətta hamilə qadınlara misli görülməmiş işgəncələr verirdilər.
         Ermənilər Xocalı sakinlərinin böyük hissəsini əsir götürdülər. Azərbaycan böyük bir fəlakətlə üz-üzə qaldı. Yalnız ulu öndər Heydər Əliyevin yenidən hakimiyyətə qayıdışından sonra Xocalı faciəsinin törədilməsinin əsil səbəbləri barədə xalqa məlumat verildi.
          Ümumimilli lider Heydər Əliyev 1994-cü ildə martın 1-də xüsusi fərman imzaladı. Milli Məclisin qərarı ilə 26 fevral “Xocalı Soyqırımı və Milli Matəm Günü” elan olundu.
          Nəhayət, 2020-ci sentyabrın 27-də Azərbaycan xalqı torpaqlarını işğaıdan azad etmək üçün vətən müharibəsinə qalxdı. 44 gün sürən döyüşlər nəticəsində ordumuz qələbə qazanaraq doğma torpaqlarımızı işğaldan azad etdi.
          Ali baş komandan İlham Əliyevin rəhbərliyi ilə ermənistan ordusu darmadağın edildi. Xocalı cəlladları öz haqlı cəzasını aldı.

Zabrat qəsəbəsi, 307 nömrəli tam orta məktəbin
ibtidai sinif müəllimi Ülviyyə Seyidova

Tarix: 22-02-2023, 18:07 Oxunub: 75