Azərbaycan qadını bütün dövrlərdə öz istedadı, zəkası, iradəsi və əzmi ilə milli-mənəvi dəyərlərimizin qorunub saxlanılması və yaşadılmasında müstəsna xidmətlər göstərmişdir

Ulu Öndər Heydər Əliyev ölkə həyatının   bütün  sahələrində qadınlara xüsusi  yer  ayırırdı. Bu gün həm siyasi, həm iqtisadi çətinliklər dövründə qadınlarımız cəmiyyətin həyatında çox fəal rol oynayaraq övladlarının sabahı uğrunda səylə çalışırlar. Onların geniş fəaliyyəti üçün ölkədə hər cür şərait yaradılmışdır. Çox xoş bir qismətdir ki, onları ürəkdən dəstəkləyən, qayğılarını çəkən, ən əsası isə həqiqi qiymətini verə bilən dövlət başçımız olmuşdur. Yaxşı bilirik ki, hər hansı bir dövrdə qadına münasibət ilk növbədə ölkə başçısının qadın siyasətindən asılıdır. Bu sahədə bizim qadınları bəxti gətirmiş hesab etmək olar. Çünki uzun müddət bizim müstəqil dövlətimizin başında bəşər tarixinin XX əsrdə yetişdirdiyi ən böyük şəxsiyyət, ən böyük dövlət xadimi, fitri istedada malik siyasi lider, Azərbaycan xalqının əvəzedilməz oğlu Heydər Əliyev dururdu. Dünyanın siyasət nəhənglərinin belə həsəd apardıqları Heydər Əliyev cənabları məhz belə şəxsiyyətlərdəndir. Ümummilli liderimiz Heydər Əliyev qadınlarla bağlı siyasətin gücləndirilməsini dəvlətin mühüm, prioritet vəzifələrindən biri hesab edirdi.
           Bu gün Azərbaycan qadınları ölkənin sosial iqtisadi həyatında da fəal iştirak edir. Azərbaycan qadını bütün dövrlərdə öz istedadı, zəkası, iradəsi  və  əzmi ilə milli-mənəvi dəyərlərimizin qorunub   saxlanılması və yaşadılmasında müstəsna   xidmətlər  göstərmişdir. Zaman keçdikcə, bütün dünyada olduğu kimi, Azərbaycan cəmiyyətində də qadının rolu artır,həyatın  fəal iştirakçısına  çevrilir. Azərbaycan  qadınının   cəmiyyətdə yeri  və  nüfuzu   daha  da  artır. Qadınlarımız ölkənin  bütün   ali  orqanlarında  əzmlə məhsuliyyətlə çalışırlar.    İnsan cəmiyyətində  qadının rolu,əhəmiyyəti məlumdur.Qadınsız bəşəriyyət yoxdur. Qadınlar  cəmiyyətə  göstərdikləri   bütün  xidmətlərlə yanaşı , ona görə ən yüksək qiymətə  layiqdirlər ki, onlar  “Anadırlar”.
          Azərbaycan qadını dünyaya  bəşəriyyətin mədəni  fikir  xəzinəsinin   incilərini  yaradan şəxsiyyətlər, tanınmış siyasi xadimlər  bəxş etmişdir. Xalqımızın  təfəkküründə qadın doğma  yurdun , vətən torpağının təcəssümüdür. Ötən əsrdə qadın hüquqlarının qazanılması  və qorunması yolunda misilsiz uğurlar əldə etmiş Azərbaycan qadını bu gün  ölkəmizin ictimai siyasi ,iqtisadi ,mədəni həyatının fəal iştirakçısıdır. Elm, təhsil, mədəniyyət, səhiyyə və digər sahələrdə qazandığı naliyyətlər Azərbaycan qadınının çox böyük potensiala malik olduğunu zamanla təsdiq etmişdir.
         Qadın həyatın mənası, bəzəyi  və  əbədi   gözəlliyidir. Tariximizin  neçə-neçə şanslı, parlaq səhifəsi  məhz qadın adı ilə bağlıdır. Ulu Öndər Heydər   Əliyev  8  Mart Beynəlxalq  Qadınlar   bayramı ilə bağlı belə demişdir. “Bu bayram, bayramlar içərisində ən gözəl bayramdır, çünki  bu  qadınlara   həsr  olunmuşdur”.
         Bu gün Azərbaycanın Birinci xanımı Mehriban xanım Əliyeva istər ölkəmizdə, istərsə də vətəndən kənarda öz işi, bacarığı və  keyfiyyətləri ilə Azərbaycan qadınlarını ən yüksək səviyyədə təmsil edir. Azərbaycan qadını güclü və nələrə  qadir olduğunu təsdiqləyir. Azərbaycan qadını  milli-mənəvi dəyərlərimizin qorunub saxlanılmasında daim fədakarlıqlar göstərmiş xalqımızın hazırkı mədəni simasının müəyyənləşməsində müstəsna rol oynamışdır.
Ramana qəsəbəsi, 198№li tam orta məktəbin
ibtidai sinif müəllimi Mehriban Eyvazova

Tarix: 9-03-2023, 12:12 Oxunub: 117