Azərbaycanla Bolqarıstan arasında ikitərəfli əməkdaşlığın yeni mərhələsi başlayır

Azərbaycan Avropanın enerji təhlükəsizliyinin təmin edilməsində mühüm rol oynayır. Cənab Prezidentin Bolqarıstana rəsmi səfəri iki ölkənin münasibətlərini daha yüksək səviyyədə qorumaq istəyindən xəbər verir. Prezident İlham Əliyev Bolqarıstanda yüksək səviyyədə qəbul edilib. Bolqarstanın Avropa İttifaqına və NATO-ya üzv ölkə olduğunu nəzərə alsaq, Azərbaycanla Bolqarıstan arasında əlaqələrin dinamik inkişafının nə qədər əhəmiyyət daşıdığını və münasibətlərin nə qədər böyük əhəmiyyət daşıdığını qeyd etmək yerinə düşərdi. Azərbaycan və Bolqarıstan iki dost və strateji tərəfdaş ölkələrdir və bir-biriləri ilə daha sıx əməkdaşlıq etmək niyyətindədirlər. Cənab Prezident İlham Əliyevin Bolqarıstana bu növbəti səfəri bu niyyəti özündə əks etdirir. Vurğulamaq lazımdır ki, ilk növbədə, iki ölkə arasında siyasi əlaqələr inkişaf etməkdədir. Liderlər, rəsmilər arasında görüşlər, xüsusilə, enerji təhlükəsizliyi sahəsində əməkdaşlıq təkcə Azərbaycan-Bolqarıstan münasibətlərini inkişaf etdirmir, eyni zamanda, Azərbaycanın Avropa İttifaqı ilə münasibətlərini də yüksələn xətlə inkişaf etməkdədir.
İndiki mürəkkəb və həssas dövrdə Azərbaycan Avropanın enerji təhlükəsizliyinin təmin olunmasında mühüm addımlar atır. Xüsusilə, vurğulamaq lazımdır ki, artıq Azərbaycan Avropanın enerji xəritəsinin dəyişdirilməsində və yenidən təşkil edilməsində mühüm rol oynayır. Uzun illər əvvəl əsası qoyulmuş TAP və TANAP lahiyələrinin işə düşməsi bir daha cənab Prezident İlham Əliyevin enerji siyasəti sahəsində uğurlu və uzaqgörən siyasətinin məntiqi nəticəsidir. Bu gün bu layihələr Avropanın yeni enerji xəritəsinin yenidən çəkilməsində mühüm rola malikdir. Azərbaycanla Bolqarıstan arasında strateji tərəfdaşlığa dair Birgə Bəyannamənin mövcudluğu münasibətlərin yüksələn xətlə inkişafında mühüm rol oynayır. Hər bir sənəd əməkdaşlığın inkişaf etdirilməsində bir istiqamətdir. Bolqarıstan Avropa İttifaqının üzvü olaraq həm ölkəmizin qurumla əlaqələrinin inkişafına öz töhfəsini verir, həm də ikitərəfli münasibətlərimizin yüksələn xətlə inkişafı üçün yeni prioritetlərin müəyyənləşdirilməsinə səy göstərir.
Bolqarıstanın tanınmış iş adamlarının görüşdə iştirakı onu sübut etdi ki, bu təklifə çox müsbət yanaşırlar. Azərbaycan və Bolqarıstan bir-biri ilə yaxşı münasibət qurmağın vacibliyini daima vurğulayıblar. İkitərəfli əlaqələr bütün sahələrdə mövcuddur. Artıq tərəflər bu əlaqələri yüksək səviyyəyə qaldırmaq üçün çalışırlar. Hesab edirəm ki, bu səfər iki ölkənin bir-birinə daha da yaxın olmasına şərait yaradacaq.
Namiq Muradov - YAP Sabunçu rayon təşkilatının fəal üzvü

Tarix: 27-04-2023, 14:52 Oxunub: 28