SAĞLIĞINDA QİYMƏT VERİN İNSANLARA

Bir arzum var, ay adamlar, qoyun deyim,
Sağlığında qiymət verin insanlara,
Yaxşılara sağlığında yaxşı deyin,
Sağlığında yaman deyin yamanlara.

Yazıma Cabir Novruzun şeirindən bir misrası ilə başlamağım heç də təsadüfi deyil.Və etiraf edim ki,bu şeir Cabir Novruzun ən çox sevdiyim şeiridir.
Həyatda yaxşı adamlarla qarşılaşanda onun varlığına sevinir, ürəkdən şad oluruq. Yaxşı olmaq isə hamıya müyəssər olan səadət deyil. Çünki çoxumuzun qəlbində özümüzə və özümüzünkülərə sevgi o qədər hədsizdir ki, başqaları onun əlindən, dilindən və əməlindən ziyan görməsin.
Dahilər deyib ki, başqalarını xoşbəxt etmək xoşbəxt olmağın ən yaxşı üsuludur. Haqqında qələmə aldığım Nərimanov Rayon Mənzil Kommunal Təsərrüfatı Birliyinin rəisi Manaf Manafov həyata məhz bu prizmadan yanaşır. O, təbiət etibarilə çox ağıllı və xeyirxah bir insandır. Mədənilik, təvazökarlıq və mülayimlik ona xas olan cəhətlərdir. Onu işlədiyi kollektivə, eyni zamanda elə ilk tanışlıqdan rastlaşdığı insanlara cəlb edən də bu nəcib keyfiyyətlərdir. Azərbaycanlı olması ilə fəxr edən Manaf Manafov üçün vətəndən əziz, doğma bir yer yoxdur. Onun fikrincə Vətəndən kənarda ümumiyýətlə,xoşbəxtlik yoxdur.
İnsan həyatda yaşayaraq iki iz qoyub getmiş olur: yaxşılıq, ya da pislik.
“Pislik etməyə nə var ki” –demiş aqillər. Bəli, şərt odur ki, yaxşılıq edəsən, özündən sonra da səni yaxşılardan biri kimi xatırlasınlar, yad etsinlər. Yaxşılıq etdikcə, insan özü də saflaşır, kamilləşir. Kamil insanın xeyirxahlığı, nəcib xüsusiyyətləri də onun özündə öz əksini tapır. Atalar nahaq yerə deməmişlər ki, Allah adamın daxilini bilib, xaricini, yəni, xarici görkəmini verir. İndiki bu çətin şəraitdə kiməsə əl tutmaq, maddi və mənəvi cəhətdən kömək etmək, şəhid ailələrinin dərdini çəkmək, qazilərimizin, veteranlarımızın ağrı-acısını duymaq hər kişinin işi deyildir.
Müdrik insanların şəxsiyyəti həmişə tarixin ucalığında boy verir. Orada həyat üçün zəruri olan bir müdriklik çağlayır. O müdriklik ki, keşməkeşli, əzablı yollardan keçib.
Xeyirxahlıq dədə-babalardan qalma bir ənənədir. Bu gün bu ənənəni davam etdirən hər bir kəs özü üçün Tanrı yanında böyük səltənət qazanırlar. Belə insanlardan biri də öz xeyirxah əməlləri ilə ürəklərə yol tapan insan Nərimanov Rayon Mənzil Kommunal Təsərrüfatı Birliyinin rəisi Manaf Manafovdur.
Həqiqətən insanlığın ali zirvəsinə ucalmaq hər kəsə nəsib olmur. Atalar demiş, xoşbəxt o insandır ki, Allah dünyasından yox, axirətindən pay ayırır.
Xeyirxah, vətənpərvər insandır Manaf müəllim. O, insanlara həm mənəvi, həm də maddi dayaqdır. Onun saysız-hesabsız xeyirxahlıqları insanlar tərəfindən minnətdarlıq hissi ilə qarşılanır. Həyatda da məhz belə insanlar ucalır.
İnsanlara dayaq olmaq Tanrı buyruğudur. Manaf Manafov Tanrı səltənətinə ucalmış bir insan olmaqla, həm də yaşadığı el-oba üçün əzizdir.
Haqqında bəhs etdiyim insanı tanıyan hər kəs haqqında əsil iman əhlidir, sadə və təmkinlidir, sözü ilə əməli bir olan insandır, kimi xoş sözlər deyir. Biz də deyilənləri öz sözlərimizlə təsdiqləyir,qələmə alırıq.
Müdrik insanların şəxsiyyəti həmişə tarixin ucalığında boy verir. Orada bir müdriklik çağlayır, həyat üçün zəruri olan bir müdriklik. O müdriklik ki, oddan-alovdan, keşməkeşli yollardan keçib.
Manaf Manafov dünyanın qanunauyğunluqlarında bir ahəngdarlıq görsə də, sonunda yenə də ümidə can atan, insanlığı yaşadacaq bir qüvvə görür.
İnsanın qoyduğu izlər, yaşadığı xarüqələr işığını əbədiyaşarlığa aparan amallar sahibi müdrik insan elə özü bir dünyadır.
Bəli, əbədi ömrü olan insan özü bir dünyadır.
Mən bir yazar olaraq redaksiyamızın bütün yaradıcı heyəti adından fəaliyyətinin bütün dövrlərində özünün yüksək milli –ictimai şüuru, mədəniyyəti, yüksək prinsipiallığı, heyrətləndirici əmək qabiliyyəti, böyük analitik düşüncəsi, sadəliyi, təvazökarlığı və son dərəcə humanistliyi ilə fərqlənən Manaf Manafova sağlıqlı uzun ömür arzulayır, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında həyata keçirdiyi şərəfli və çətin peşəsində səbir diləyirəm.

Tarix: 20-02-2024, 14:01 Oxunub: 113