Ulu Öndər Heydər Əliyevin Naxçıvanda yenidən siyasət meydanına qayıtması Naxçıvanın, həmçinin Azərbaycanın xilası idi

      1990- cı il Azərbaycan xalqının tarixində mühim tarixi hadisələrlə yadda qalıb.Ən həlledici tarixi məqam Azərbaycan xalqının böyük oğlu H. Əliyevin vətənə dönüşü oldu. Ulu Öndərin vətənə dönüşü hər bir azərbaycanlının qəlbindən gələn arzu idi. Çünki uzun illər xalqına rəhbərlik edən H. Əliyevin təcrübəsinə  və idarəetmə qabiliyyətinə inanan xalqımız  Vətənin xilasını böyük siyasətçinin ölkə rəhbərliyinə  qayıtmasında görürdülər. Hələ 20 Yanvar faciəsindən sonra   xalqımız vətənin naşı siyasətçilərin əlində parçalanmaq təhlükəsini görürdülər. Heç bir idaretmə qabiliyyəti olmayan , xarici qüvvələrin əlində oyuncağa çevrilən bu cür  dırnaqarası siyasətçilər Ulu öndər, böyük siyasətçi   Heydər Əliyevin xalq arasındakı hörmət və nüfuzundan qorxurdular. Fenomen şəxsiyyət, qüdrətli siyasətçi   Heydər Əliyevin Azərbaycana qayıdışı xarici qüvvələrə qulluq edən satqınların çirkin planlarını həyata keçirməkdə maneə idi. Çünki Heydər Əliyevin   hakimiyyətdə olduğu bütün dövrlərdə qəlbi Azərbaycan xalqı üçün  döyünmüşdü. Heç bir qara qüvvə dahi şəxsiyyətin xalqı üçün görəcəyi əməllərə mane ola bilməzdi .
       Beləliklə, 1990-cı il noyabrın 17-də Naxçıvan parlamentinin ilk sessiyası deputatların və xalqın istəyi ilə Ulu Öndər Heydər Əliyevin sədrliyi ilə işə başladı.Azərbaycan rəhbərliyini başında oturanlar isə xalqın mənafeyini deyil , kreslo davası edirdilər. 1991-ci il  sentyabr ayının 3-də  xalqın istəyi ilə  Ulu Öndər Naxçıvan MR   Milli Məclisinə Sədr seçildi. Dahi şəxsiyyət H. Əliyevin Naxçıvana rəhbərlik etdiyi dövrdə qəbul etdiyi qərarlar bütün Azərbaycan xalqının və dövlətçiliyinin tarixində mühim həlledici qərarlar idi. 1990-cı il noyabrın 17-də Dövlətçiliyimizin atributu olan üçrəngli bayrağımızın ilk dəfə Naxçıvan Ali Məclisinin üzərində dalğalanması Ulu Öndərin təşəbbüsü idi. Həmçinin 1991-ci il dekarın 16-da Ali Məclis tərəfindən “31 Dekabr Dünya Azərbaycan Türklərinin Həmrəylik və Birlik Günü haqqında “Qərarın qəbul edilməsi də xalqımızın taleyində xüsusi əhəmiyyətə malik,   uzaqgögənliklə qəbul edilmiş qərar idi.
       Ulu Öndər Heydər Əliyevin Naxçıvanda yenidən siyasət meydanına qayıtması Naxçıvanın, həmçinin Azərbaycanın xilası idi. Uzun müddət blokada rejimində qalan Muxtar vilayəti sosial–iqtisadi cəhətdən dirçəldi. Qonşu dövlətlərlə Türkiyə və İranla iqtisadi əlaqələr yaradaraq Naxçıvan əhalisinin rifahı naminə mühim qərarlar qəbul etdi. Bütün bunlar sübut edir ki , böyük şəxsiyyət ,Ulu Öndər Heydər Əliyev bütün həyatını xalqına həsr etmişdi .Ən çətin məqamlarda Azərbaycan xalqının xilaskarı Ümummili liderimiz hər zaman qəlbimizdə yaşayacaq.
Sabunçu rayonu, 155 nömrəli tam orta məktəbin
Azərbaycan dili və ədəbiyyat müəllimi Humay Vəliyeva

Tarix: 4-09-2022, 13:47 Oxunub: 109