ABŞ Putinin "məğlubedilməz Satan-2" raketlərini belə dayandıracaq - FOTO

Rusiya payızda ABŞ-ı vura biləcək nüvə raketlərini sınaqdan keçirəcək.

İngiltərə mətbuatı isə ABŞ-ın bu raketləri necə dayandıracağını yazıb.
“Roskosmos” kosmik agentliyinin rəhbəri Dmitri Roqozin bildirib ki, “Satan 2” adlanan raketlər Moskvadan təxminən 3 min kilometr şərqdə, Krasnoyarsk vilayətinin Sibirin Uxur qəsəbəsində yerləşdiriləcək.

Rusiya prezidenti Vladimir Putin tərəfindən qorunan “Satan 2” raketləri Rusiyanın paytaxtı Moskvadan atıldıqda İngiltərənin paytaxtı Londona çata biləcək mənzilə malikdir.
Yəni Rusiya sözügedən raketlə bütün Avropa paytaxtlarını vurmaq gücündədir. ABŞ mətbuatının yazdığına görə, ABŞ da raketin hədəf zonasına daxildir.

"British Express" qəzetində yer alan xəbərə görə, ABŞ-ın soyuq müharibə dövründə başladığı və təxminən 200 milyard dollara başa gələn müdafiə sistemi Rusiya raketlərini dayandıra bilir.

“200 milyard dollarlıq layihə Putinin raketlərini yer üzündən silə bilər” başlıqlı xəbərdə sistemin üç əsas elementdən ibarət olduğu qeyd edilib.

Quruda yerləşən ələ keçirən raketlər sistemin ən vacib elementlərindən biridir. Birləşmiş Ştatlarda yerləşdirilmiş ən azı 44 yerüstü ələ keçirən raket sisteminin olduğu düşünülür.

ABŞ-ın raket əleyhinə müdafiə agentliyi bu sistemin 19 sınaqdan 11-ni uğurla keçdiyini bildirir.
Döyüş gəmilərində quraşdırılan Aegis RIM-161 Standard Missile-3 (SM-3) raketdən müdafiə sistemi RIM-174 Standard Missile-6 (SM-6) və Aegis döyüş sistemindən ibarətdir.

Dəniz kreyserləri və esminesləri dünyanın ən qabaqcıl döyüş sistemi sayılan Aegis-ə ev sahibliyi edir. Sistem ən müasir radarlardan istifadə edir.

ABŞ-ın raketlərdən qorunmasında mühüm rola malik olan THAAD atmosferin yuxarı qatlarında və atmosferdən gələn raketlərə qarşı mübarizə aparan yer əsaslı tutuculardan istifadə edir.
Sistem indiyədək 15 dəfə sınaqdan keçirilib və sınaqlardan uğurla keçib. Bildirilir ki, ABŞ-ın yeddi THAAD batareyası var və onlardan üçü Sakit Okeanda yerləşdirilib.

Rusiya bu yaxınlarda adi və ya nüvə başlığı daşıya bilən hipersəsli Zirkon raketinin yeni şəkillərini paylaşıb.

ABŞ dairələri tərəfindən Rusiyanın bu raketdən istifadə etdiyi təsdiqlənib. İngiltərə mətbuatı bu hadisəni "Rusiya Londonu 5 dəqiqəyə vura bilən hipersəs nüvə raketinin görüntülərini dərc etdi" başlığı ilə oxucularına təqdim edib.

Sözügedən raket Rusiya Prezidenti Vladimir Putinin təriflədiyi yeni nəsil rus silah texnologiyasının bir hissəsidir.

Putin 2018-ci ildəki çıxışında hipersəs raketlərinin dənizdə və quruda 1000 kilometr məsafədəki hədəfləri vura biləcəyini açıqlamışdı. Raketi “dayanılmaz” və “məğlubedilməz” kimi xarakterizə edən Putin, onların yeni silahları ilə dünyanın demək olar ki, istənilən nöqtəsini vura biləcəklərini və ABŞ istehsalı olan raket qalxanından qaça biləcəklərini təkid edir.

Tarix: 26-04-2022, 10:20 Oxunub: 27