MÜƏLLİMLİK İNSANLIQ TARİXİNİN ƏN UCA MƏSLƏYİDİR

Elə insanlar var ki, mənalı ömür yolu, ziyası, xeyirxahlığı və nuru ilə yüzlərlə qəlbi işıqlandıırır.
Tovuz Dövlət Sosial-İqtisadi Kollecin direktoru Rizvan Qəmbərov də belə şəxslərdəndir.
Rizvan Qəmbərov pedaqogika elminin nümayəndəsi olmaqla yanaşı, həm də gözəl insandır. Bu gəlimli-gedimli, son ucu ölümlü dünyada hər kəs Uca Tanrıdan ona bəxş olunan ömür payını yaşayır. Şərəfli ömür yolu isə tək-tək insanlara nəsib olur. O, böyük dünyagörüşə, hərtərəfli biliyə, dərin zəkaya və geniş ürəyə malik olan, xeyirxahlığı və səmimiyyəti, cəsarəti və sarsılmaz qətiyyəti, insanpərvərliyi ilə özünə əbədiyyət qazanan insanlardan biridir.
Çox fədakar müəllim Rizvan Qəmbərov gözəl insan kimi də başqalarından fərqlənir. Onun üzündə, çöhrəsində bir xeyirxahlıq nuru var. Mən heç düşünmədən deyərdim ki, onun ürəyi də siması kimi xeyirxahlıqla vurur. Onun nurlu çöhrəsinə baxarkən, söhbət edərkən, ünsiyyətdə olarkən heç nə diqqətdən yayınmır.
Həqiqətən də müəllim ömrü həmişə ömürlərə nur verir. Tələbələrini doğru yola istiqamətləndirir, vicdanının səsinə qulaq asa-asa başqalarını da haqqa, ədalətə səsləyir. Rizvan Qəmbərovun qəti sözü, aydın fikri, düz yolu, güclü məntiqi, təmənnasız xeyirxahlığı nəinki bütün tələbələrinə, eyni zamanda müəllim adını daşıyan bir çoxlarına örnəkdir. Bəli, Rizvan Qəmbərov əsl pedaqoqdur.
Adı şərəfli pedaqoqlarla bir sırada çəkilən bu dəyərli insan haqqında söz demək şərəfinə nail olmaq özü mənim üçün bir xoşbəxtlikdir. Mən deyərdim ki, haqqında söylənilən hər söz onu nəinki rəhbəri olduğu Kollecin, müəllim kollektivinin, tələbələrin, eyni zamanda, hər birimizin sevimlisinə çevirib. Bəli,o, həqiqətən də öz tələbələrinə qəlbən bağlı olan həssas xasiyyətli səmimi insandır.
Mənim fikrimcə elmimizin inkiafı üçün ən vacib şərtlərdən biri Rizvan Qəmbərov kimi zəkalı, inadkar, qətiyyətli, əzmkar, tələbkeş və xeyirxah bir müəllimlərdən elm, bilik almalıdır.
Çox təəssüf hissi ilə qeyd edirəm ki,bu gün gələcək nəsillərə örnək mənalı, gərəkli ömür yaşayan Rizvan müəllim kimi ziyalılarımız azlıq təşkil edir.
Bu gün, məhz özünə inanan, seçdiyi yolun doğruluğuna şübhə etməyən insanlar bu yolu seçir və hər nə olursa olsun inadkarcasına səbr etməklə işini davam etdirir.
Tovuz Dövlət Sosial-İqtisadi Kollecin direktoru Rizvan Qəmbərov da belə bir keyfiyyətlərə malik olan bir insandır, desəm, yanılmaram. O, son dərəcə həssas, sadə və səmimi insandır.
Bəli, yazımın qəhrəmanı olan Rizvan Qəmbərovun qismətinə belə ömür payı nəsib olmuşdur. Onun ömrünə məna qatan isə uğruna ömrünü şam kimi əritdiyi tələbələridir.
Səmimiliyi, sadəliyi və xeyirxahlığı ilə kollektivin də hörmətini qazanmışdır. Tələbələrini balası qədər sevən Rizvan müəllimin seçdiyi yolda xidmətləri əvəzsizdir.
Elmimizə və təhsilimizə şərəf və ləyaqətlə xidmət edən bu dəyərli insan onu sevən tələbələrinin və çiyin-çiyinə işlədiyi kollektivinin qəlbində özünə möhtəşəm bir məhəbbət abidəsi ucaltmışdır.
Nə yaxşı ki, bu gün cəmiyyətimizdə az da olsa öz tələbələrinin, rəhbərlik etdiyi kollektivin sevgisini qazanan belə insanlar var və onların əkdiyi yaxşılıq toxumları insanların qəlbində zaman-zaman cücərir, yeni pöhrələr verir. Onlar hiss edir ki, insan bu dünyaya yaşamaq, yaratmaq və yaxşı ad qoymaq üçün gəlmişdir.
Bəli, Rizvan Qəmbərov əsl pedaqoqdur.
Mən bir yazar olaraq redaksiyamızın bütün yaradıcı heyəti adından mənalı və zəngin, fəxr ediləsi, öyünüləsi ömür yolu olan müəllim adlı şərəfli sənət sahibini, bu adın mənəvi yükünü təmiz, vicdanla daşıyan və sözün həqiqi mənasında bu ada layiq olan Tovuz Dövlət Sosial-İqtisadi Kollecin direktoru, Azərbaycanın qabaqcıl təhsil işçisi, çətin anlarda ona pənah aparan insanlara, şəhid ailələrinə, qazilərə qayğı göstərən, şakəri xeyirxah əməllər olan bu dəyərli insana, Rizvan Qəmbərova sağlıqlı uzun ömür diləyir, Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin rəhbərliyi altında həyata keçirdiyi pedoqoji fəaliyyətində uğurlar arzulayıram.

Tarix: 29-02-2024, 13:24 Oxunub: 70