Azərbaycan yaşıl enerjinin önəmli təchizatçısına çevrilir

Ölkəmizin xarici siyasət kursunda prioritet istiqamətlərdən birini məhz böyük İslam coğrafiyasına aid ölkələrlə, o cümlədən də ərəb dövlətləri ilə əməkdaşlıq əlaqələrinin möhkəmləndirilməsi təşkil edir. Ölkəmizin xarici siyasət kursunda prioritet istiqamətlərdən birini məhz böyük İslam coğrafiyasına aid ölkələrlə, o cümlədən də ərəb dövlətləri ilə əməkdaşlıq əlaqələrinin möhkəmləndirilməsi təşkil edir. Müasir dövlət kimi inkişaf edən Azərbaycan öz siyasətində, həmçinin tarixi köklərə istinad edir və ənənələrə, milli-mənəvi dəyərlərə həmişə yüksək bağlılıq sərgiləyir. Qeyd olunduğu kimi, ölkəmizin ərəb dövlətləri, o cümlədən də daha geniş İslam coğrafiyası ilə münasibətlərinin dərinləşməsinə münbit zəmin yaradan əsas faktorlardan biri məhz tarixi bağlılıq amilidir. Müqəddəs dinimiz, oxşar mənəvi dəyərlərimiz ölkələrimizi və xalqlarımızı birləşdirən çox mühüm amil qismində çıxış edir. Deyə bilərik ki, Azərbaycanın İslam coğrafiyası ilə yaxınlaşmasında ilk növbədə təbii amillər, cəmiyyətlərin istəkləri və əlbəttə ki, dövlətlərin siyasi iradələri müstəsna rol oynayır.
Azərbaycanla iqtisadi əlaqələri getdikcə inkişaf edən ərəb ölkələrindən biri də Birləşmiş Ərəb Əmirlikləridir. BƏƏ ilə əlaqələrin inkişafı əsasən çoxsahə\li olması ilə səciyyələnir. Həm də bu əlaqələr bir çox sahədə, o cümlədən enerji sahəsində strateji əhəmiyyət kəsb edir.
Yanvarın 16-da Birləşmiş Ərəb Əmirliklərinin paytaxtında Əbu-Dabi Dayanıqlılıq Həftəsi (“ADSW”) başlayıb. Azərbaycan respublikasının Prezidenti cənab İlham Əliyevin bu mötəbər toplantıya dəvət olunması müstəsna əhəmiyyətə malikdir. Çünki Qlobal problemlərin yalnız inklüziv iştirak yolu ilə həll oluna biləcəyinə dair möhkəm inam əsasında qurulan bu platforma davamlı inkişafı təmin edəcək iqlim fəaliyyəti və innovasiyaları müzakirə etmək üçün dövlət başçıları, siyasətçiləri, sənaye liderləri, investorlar, sahibkarlar və gəncləri bir araya gətirir. Bu baxımdan cənab Prezidentin çıxışı Azərbaycana verilən önəmin mahiyyətini daha yaxşı əks etdirir.
Cənab Prezident çıxışında qeyd etmişdir ki, “Biz Azərbaycanda bərpa olunan enerji mənbələrini öz enerji təhlükəsizliyimizin təmin olunması üçün inkişaf etdirmirik. Enerji təhlükəsizliyimizi hələ bir neçə il əvvəl təmin etmişik. Bu gün Azərbaycan nəinki öz enerji tələbatlarını təmin edir, o cümlədən xam nefti, neft məhsullarını, təbii qazı, neft-kimya məhsullarını və elektrik enerjisini ixrac edir. Bərpa olunan enerji ilə bağlı proqramımız tamamilə fərqli gündəliyə malikdir. Birincisi, bu onunla bağlıdır ki, nəhəng potensial var. İkincisi, biz onun sayəsində ixracımızı şaxələndirəcəyik. Əlbəttə ki, nəticədə iqtisadiyyatımızın yeni ekoloji təmiz sektoru yaranacaq.”
Göründüyü kimi, Azərbaycan “yaşıl enerji” siyasətinin yürüdülməsində, həmçinin dünyada mövcud olan enerji probleminin həllində maraqlıdır və bunun üçün mümkün olan bütün vasitələrdən istifadə edir. Təbiidir ki, bu zaman ölkəmizin iqtisadi və starteji maraqları nəzərə alınmaqla həyata keçirilən bu siyasət ölkə başçısının müstəsna xidmətlərindən biridir. İndi Azərbaycan və onun Prezidenti etibarlı tərəfdasş kimi Avropanın da. Şərq ölkələrinin də maraq dairəsindədir.
Cənab Prezident ölkəmizin mövcud potensialından bəhs edərək qeyd etdi ki, “Potensialımıza gəldikdə, bəzi rəqəmləri diqqətinizə çatdırım. Quruda 27 giqavatlıq külək və günəş enerjisi, 2020-ci ildə Vətən müharibəsi zamanı azad edilmiş ərazilərdə 10 giqavatlıq külək və günəş enerjisi, həmçinin Xəzər dənizinin Azərbaycan sektorunda 157 giqavatlıq külək enerjisi imkanları mövcuddur. Yəni, 200 giqavata yaxın potensial var. Əlbəttə ki, bizə kifayət qədər ixrac marşrutları lazımdır. Təbii ki, biz bütün bu layihələri mərhələli şəkildə icra edirik.”
Göründüyü kimi, Azərbaycanda olan enerji resurslarından səmərəli istifadə etmək və qlobal layihələrdə düşünülmüş şəkildə yer almaq indi əsas prioritetlərdən biridir. BƏƏ-nin “Masdar” şirkəti ilə Azərbaycan Dövlət Neft Şirkəti 4 giqavatlıq külək və günəş enerjisi stansiyalarının yaradılmasına dair razılaşması da bu siyasətin tərkib hissəsidir.
Azərbaycanın bu mötəbər beynəlxalq tədbirə dəvət olunması Prezident İlham Əliyevin rəhbərliyi ilə sürətlə inkişaf edərək mühüm beynəlxalq layihələrin müəllifinə və təşəbbüskarına çevrilən ölkəmizin dünya miqyasında artan nüfuzunun göstəricisidir. Zəngin neft-qaz potensialı ilə Avropanın enerji təhlükəsizliyində mühüm rol oynayan Azərbaycan Prezident İlham Əliyevin uzaqgörən siyasəti nəticəsində bu sahədə imkanlarını daha da şaxələndirir və elektrik enerjisi, əsasən, yaşıl enerjinin önəmli təchizatçısına çevrilməyi planlaşdırır. Azərbaycanın 200 qiqavata yaxın bərpaolunan enerji potensialı ölkəmizi dünyanın diqqət mərkəzinə çevirib.

Rüstəm Nağıyev,
YAP Gədəbəy rayon təşkilatının sədri

Tarix: 23-01-2023, 10:57 Oxunub: 54