Azərbaycanın günahsız insanlarına qarşı terror aktları xalqımızda qəzəb hissi doğurub və dövlətimizin hiddətinə səbəb olub

Son bir neçə ayda Azərbaycanın Qarabağ bölgəsindəki Ermənistan silahlı qüvvələrinin birləşmələri tərəfindən tez-tez atəşkəsin pozulması və Azərbaycan Ordusunun mövqelərinin müxtəlif çaplı silahlardan mütamadi olaraq atəşə tutulması, ərazilərimizin minalanmasının davam etdirilməsi və 19 sentyabr tarixində Azərbaycan Avtomobil Yolları Dövlət Agentliyinə məxsus nəqliyyat vasitəsi sıradan çıxmış və mülki şəxslər həlak olmuşdur. Həmin gün Daxili İşlər Nazirliyinin Daxili Qoşunlarının hərbi qulluqçularını daşıyan nəqliyyat vasitəsinin də Ermənistan silahlı qüvvələrinin kəşfiyyatdiversiya qrupları tərəfindən quraşdırılmış minaya düşməsi nəticəsində hərbi qulluqçularımız həlak olmuş və yaralanmışdır. Bu terror aktının yüklərin daşınması üçün Azərbaycanın Ağdam-Xankəndi və Laçın-Xankəndi yollarının açılması ilə bağlı humanist addımından sonra törədilməsi ondan xəbər verir ki, erməni terrorçuları və onların himayədarları reinteqrasiya prosesinin başlanacağından ehtiyatlandığı üçün qanlı yola əl atmağı məqbul saydılar. Azərbaycanın günahsız insanlarına qarşı terror aktları xalqımızda qəzəb hissi doğurub və dövlətimizin hiddətinə səbəb olub. Təbii ki, bütün bunlar Azərbaycan dövləti tərəfindən sərt reaksiyaya səbəb olmalıydı. Odur ki, 19 sentyabr səhər saatlarında Azərbaycan Müdafiə Nazirliyi Qarabağda lokal xarakterli antiterror tədbirlərinə başlanıldığı barədə açıqlama yaydı. Məlumatda bildirilir: “Son bir neçə ayda Azərbaycanın Qarabağ bölgəsindəki Ermənistan silahlı qüvvələrinin birləşmələri tərəfindən Azərbaycan Ordusunun mövqelərinin müxtəlif çaplı silahlardan sistemli şəkildə atəşə tutulması, ərazilərimizin minalanmasının davam etdirilməsi, döyüş mövqelərinin mühəndis cəhətdən təkmilləşdirilməsi, eləcə də səngər və sığınacaqların sayının artırılması gərginliyin artmasına səbəb olub”.
Qeyd edim ki, 3 ölkənin Azərbaycan, Rusiya və Ermənistan prezidetlərinin 10 noyabr 2020-ci ildə imzalanmış üçtərəfli bəyanatın müddəalarına zidd olaraq Azərbaycanın Qarabağ bölgəsində Ermənistan silahlı qüvvələrə məxsus hərbi birliklərin mövcudluğu regionda sülhün və sabitliyin bərpası üçün ciddi təhlükə mənbəyidir. 10 noyabr bəyənnaməsinin müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin tərksilah edilməsi və ərazimizdən çıxarılması işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilərin təhlükəsizliyinin qarantı olacaqdır. Bütün bunların təmin olunması məqsədi ilə Azərbaycan Respublikası bölgədə lokal xarakterli antiterror tədbirlərinə başlayıb. Antiterror tədbirlər çərçivəsində Azərbaycan Sillahlı Qüvvələri Qarabağda yerləşdirilmiş Erməni terror qüvvələrinin uzunmüddətli atəş nöqtələri, eləcə də döyüş vasitələri və hərbi təyinatlı obyektləri yüksək dəqiqliklə sıradan çıxarılıb. Müdafiə Nazirliyinin də bəyan etdiyi kimi Azərbaycan ordusu mülki əhali və infrastruktur obyektlərini hədəfə almır. Yalnız legitim hərbi hədəflər sıradan çıxarılır. Keçirilən antiterror tədbirlər barədə Rusiya sülhməramlı kontingentinin komandanlığı və Türkiyə-Rusiya Birgə Monitorinq Mərkəzinin rəhbərliyinə öncədən məlumat verilmiş və mülki əhalinin hərbi obyeklər olan istiqamətlərə getməmələri diqqətə çatdırılmışdır. Bölgədə sülhə və sabitliyə nail olmağın yeganə yolu erməni silahlı qüvvələrinin tərksilah edilərək Azərbaycanın Qarabağ bölgəsindən qeydşərtsiz və tamamilə çıxarılması, qondarma rejimin buraxılmasından asılıdır. Prezident İlham Əliyev dəfələrlə bəyan etmişdir ki, Qarabağda yaşayan erməni əsilli vətəndaşlar Azərbaycan Respublikasındanın qanunlarına və beynəlxalq humanitar hüquq normalarına uyğun olaraq hər bir vətəndaş kimi təhlükəsizliyinə zəmanət verilən inzibati, sosial, təhsil, tibbi, dini və digər obyektlərin mühafizə və müdafiəsi təşkil olunacaq. Qadınlar, uşaqlar, qocalar, habelə fiziki məhdudiyyətli şəxslər və xəstələrə lazımi tibbi və digər yardımlar göstəriləcək.

Maştağa qəsəbəsi 187 saylı tam orta məktəbin
ibtidai sinif müəllimi Elyanə Məmmədova

Tarix: 21-09-2023, 14:53 Oxunub: 28