Azərbaycan mühim enerji ölkəsidir

Paytaxtımız Bakı Enerji Həftəsi ilə bağlı beynəlxalq tədbirə ev sahibliyi edir. Bu gün Azərbaycan dünyanın diqqət mərkəzindədir. Tədbirin açılışı günü Prezidentimiz Cənab İlham Əliyev çıxış edərək Bakı Enerji Həftəsində iştirak edən qonaqlara enerji sahəsində Azərbaycanın rolunundan danışdı. Prezidentimiz çıxışında qeyd etdi ki,enerji təhlükəsizliyi milli təhlükəsizlik məsələsidir. Azərbaycan həyata keçirdiyi bütün layihələri uğurla başa vurmuşdur. İstər Bakı-Tibilisi-Ceyhan Neft Boru kəməri istər Bak-Tibilisi-Ərzurum Qaz Boru kəməri, istər Cənub Qaz dəhlizi layihələri uğurla həyata keçirilmişdi. Aparıcı maliyyə qurumları layihələrə böyük maraq göstərir.
Cənab Prezidentimizin qeyd etdiyi kimi geniş əməkdaşlıq üçün güclü bünövrə yaranmışdır. Beynəlxalq əməkdaşlıq üçün etibarlı ,təhlükəsiz ölkə olan Azərbaycan bütün Avropa dövlətlərinin eneji təminatçısına çevrilmişdir. Tədbirdə çıxış edən xarici qonaqlar qeyd etdi ki, Azərbaycan sabit, stabil ölkədir. Buna görə də əməkdaşlıq üçün mühim tərəfdaşdır.
Bütün bu layihələrdə fəal iştirak edən dövlətlər - Gürcüstan , Türkiyə ,Macarıstan kimi ölkələr Azərbaycanın ən yaxın tərəfdaşıdır. Avropada enerji sahəsində əməkdaşlıqda şaxələndirməyə xüsusi əhəmiyyət verir. Çünki hər bir beynəlxalq əlaqələrdə etibarlı təfdaşlıq əsas şərtdir. Bu baxımdan Macarıstanın Xarici İşlər Naziri də çıxışı zamanı vacib açıqlamalar verdi”. Azərbaycan olmadan Avropanın enerji təchizatı təmin oluna bilməz. Azərbaycan Macarıstanla neft-qaz əməkdalığı baxımından əhəmiyyətli rola malikdir”.
Bütün bu səbəblərdən də Azərbaycan 2024-cü ilin noyabr ayında COP-29 kimi mühüm əhəmiyyətə malik tədbirə ev sahibliyi edəcək. Dünyanı xilas edəcək bir sıra məsələlər COP-29-da müzakirə olunacaq.
Bu gün isə Bakı Enerji Formu çərçivəsində panel müzakirələr aparılır. Bu müzakirələrdə enerji ilə bağlı müxtəlif məsələlərə toxunulmuşdur. Panel müzakirələrdə nəqliyyat -logistika, Yaşıl enerji məsələlərinə toxunulub. Ölkənin nəqliyyat qovşağı kimi coğrafi mövqeyi yükdaşımada avtomobil yolundan istifadənin əhəmiyyətindən də danışıldı. Orta dəhliz məsələlri ilə bağlı müzakirələr də aparıldı.
Həmçinin Enerji Forumu çərçivəsində sərgi də təşkil olunmuşdu . Əsası Ümummilli liderimiz Heydər Əliyev tərəfindən qoyulan sərgidə 30-dan çox ölkədən 300-ə qədər şirkət iştirak etdi. Builki sərgidə ABŞ, Almaniya, Latviya kimi ölkələr də var idi. Dünyanı qlobal şəkildə əhatə edən ekoloji problemlər, siyasi qarşıdurmalarla bağlı eneji sahəsindəki çətinliklər Azərbyacandan bütün dünyaya səslənəcək. Bu gün neft və qaz sahəsində enerji mənbələrini əlində saxlamağa cəhd edən böyük qüvvələr,güclü dövlətlər dünya xalqlarını özündən asılı vəziyyətə salmağa çalışır. Lakin Şərqi Avropanın dövlətləri Azərbaycan kimi sülhsevər dövətə üstünlük verir.
Sabunçu qəsəbəsi, 155 nömrəli tam orta məktəbin
Azərbaycan dili və ədəbiyyat müəllimi Humay Vəliyeva

Tarix: 6-06-2024, 11:36 Oxunub: 31