"Azərbaycan Respublikasının Prezidenti İlham Əliyev Ağdərə rayonundakı Həsənriz və Suqovuşan kəndinin sakinləri ilə görüşüb" - Eltun Süleymanov

Azərbaycan Respublikası, öz ərazi bütövlüyünü bərpa etmək və işğaldan azad edilmiş torpaqlarında insanların daha yaxşı həyat şəraitinə sahib olmalarını təmin etmək məqsədilə mühüm addımlar atmışdır və bu işlər sürətlə davam edir. 2025-ci ilin mart ayında Azərbaycan Prezidenti cənab İlham Əliyev və birinci xanım Mehriban Əliyeva Ağdərə rayonunun Həsənriz kəndində keçirilən Novruz tonqalını alovlandıraraq, bu gözəl bayram günündə həm regionun azadlığı, həm də Azərbaycanın müstəqilliyi və güclənməsi mövzusunda çıxış etmişdir. Bu tədbir, yalnız bayram təbriki deyil, həm də Azərbaycanın tarixindəki böyük uğurları xatırladan, xalqın birliyini və mübarizəsini təcəssüm etdirən əlamətdar bir hadisədir.

Bu sözləri aia.az-a açıqlamasında ictimai fəal Eltun Süleymanov deyib.

Müsahibimiz deyib ki, Prezident İlham Əliyev çıxışında Azərbaycan xalqının, dövlətinin və ordusunun göstərdiyi gücü və iradəni bir daha vurğuladı. Onun sözlərinə görə, Azərbaycan müstəqillik əldə etdikdən sonra qarşılaşdığı bir çox çətinlikləri və maneələri dəf edərək öz torpaqlarını işğaldan azad etmək üçün mübarizəni davam etdirdi. "Biz tarixi ədaləti bərpa etməli idik, beynəlxalq hüququ bərpa etməli idik və öz haqqımızı bərpa etməli idik. Ona görə İkinci Vətən müharibəsindən keçən üç il ərzində biz gələcək planlarımız haqqında həm düşünürdük, həm çalışırdıq və əlbəttə ki, separatçıların hər hansı bir formada bu bölgədə qalmaları qeyri-mümkün idi. Biz burada məskunlaşdırılmış erməni əhalisinə də o vaxt təklif etmişdik ki, gəlin, Azərbaycan Bayrağı altında yaşayın, Azərbaycan vətəndaşlığını qəbul edin və burada sizə söz deyən olmayacaq. Bu gün də Xankəndi şəhərində erməni əhalisi var, onlara söz deyən yoxdur, əksinə, bizim sosial işçilərimiz onlara qayğı göstərirlər. Bax, bizim xalqımızın böyüklüyü bundan ibarətdir. Onlar isə bizi bu torpaqlardan, qədim torpaqlarımızdan didərgin salmışdılar, soyqırımı törətmişlər, Azərbaycan xalqına olmazın əzablar vermişdilər, xalqımızın böyüklüyü məhz bundadır. Biz haqlı olan tərəfik, həm işğal dövründə öz haqq səsimizi ucalda bilmişik və bütün dünyaya sübut edə bilmişik ki, bu, bizim tarixi və hüquqi torpağımızdır. Həm də İkinci Qarabağ müharibəsi dövründə baxmayaraq ki, Ermənistanın arxasında bir çox ölkələr, bir çox qüvvələr dayanmışdı, heç kim bizə əsaslı irad tuta bilməmişdi. Çünki biz beynəlxalq hüquq çərçivəsində öz torpağımızda müharibə aparırdıq. O cümlədən cəmi bir neçə saat çəkən antiterror əməliyyatı zamanı da bizə qarşı siyasi, ondan sonra digər hərəkətlər olsa da, onların heç bir nəticəsi olmadı. Beynəlxalq təşkilatlarda Ermənistanın havadarları Azərbaycana qarşı sanksiyalar tətbiq etməyə, digər addımlar atmağa çalışdılar, buna nail ola bilmədilər. Haqq-ədalət bizim tərəfimizdədir. Həsənrizin azad olunmasının təməli məhz İkinci Qarabağ müharibəsi zamanı qoyulmuşdur. O vaxt artıq Qarabağın böyük hissəsi işğalçılardan azad edilmişdir. İkinci Qarabağ müharibəsindən sonra bir neçə əməliyyat nəticəsində mövqelərimizi daha da yaxşılaşdırdıq ki, ən qısa müddət ərzində az itki verməklə bütün qalan yerləri də nəzarətə götürək. Bu gün Həsənrizdə İlaxır çərşənbə günündə görüşürük. Sizi, Azərbaycan xalqını bayram münasibətilə təbrik edirəm. Ramazan bayramı da gəlir, Novruz bayramı da gəlir, bu gözəl bayram günündə, bayramlar ərəfəsində sizinlə görüşmək böyük məmnuniyyət doğurur”.– deyə Prezident İlham Əliyev qeyd etmişdir. Bu çıxışda, Azərbaycanın İkinci Qarabağ müharibəsi və ardıcıl antiterror əməliyyatları ilə əldə etdiyi böyük və strateji uğurların əhəmiyyəti vurğulanır. Həsənriz kəndinin azad edilməsi və burada yeni yaşayış komplekslərinin istifadəyə verilməsi, Azərbaycanın hərbi qələbələrinin və müharibə sonrası güclü inkişaf yolunun təzahürüdür. Cənab Prezident İlham Əliyev, bu kəndin və ətraf ərazilərin işğaldan azad edilməsinin nə qədər mühüm olduğunu xüsusi vurğulamışdır. "Biz burada məskunlaşdırılmış erməni əhalisinə də o vaxt təklif etmişdik ki, gəlin, Azərbaycan Bayrağı altında yaşayın, Azərbaycan vətəndaşlığını qəbul edin və burada sizə söz deyən olmayacaq," Bu sözlər, Azərbaycanın sülhə və harmoniya tərəfdarı olduğuna dair güclü bir mesajdır. Həmçinin, bu addım Azərbaycan dövlətinin hər zaman sülh təklif etməyə, başqa xalqlarla münasibətləri inkişaf etdirməyə hazır olduğunu da nümayiş etdirir. Ağdərə rayonunun Suqovuşan kəndində yeni yaşayış komplekslərinin istifadəyə verilməsi, Azərbaycanın müharibə nəticəsində köçkün düşmüş insanlara verdiyi dəstəyi və onların yaşayış şəraitini yaxşılaşdırmaq məqsədini əks etdirir. Prezident İlham Əliyev, bu layihənin həyata keçirilməsi münasibətilə sakinləri təbrik edib. “Burada yaşamaq üçün bütün şərait var. Evlər çox gözəl, geniş, işıqlı evlərdir. Təbiət də təbii olaraq bu bölgəyə əlavə dəyər verir. Gözəl su anbarının yanında yaşamaq, əlbəttə ki, adamın zövqünü oxşayır. Ona görə burada yaxşı, rahat yaşamaq, işləmək üçün bütün imkanlar var və şadam ki, artıq Suqovuşan kəndində də keçmiş köçkünlər yerləşirlər. Bu kənd İkinci Qarabağ müharibəsinin ilk həftəsində işğalçılardan azad edilmişdir. Bu, bizim birinci əhəmiyyətli uğurlarımızdan, hərbi qələbələrimizdən biri idi. Bildiyiniz kimi, 44 gün ərzində bizim Ordumuz, bütün Silahlı Qüvvələrimiz ancaq irəliyə gedirdi və hər bir kəndin, hər bir qəsəbənin azad olunması Ordumuza, bütün xalqımıza əlavə ruh verirdi. Özü də böyük yaşayış məntəqəsinin işğalçılardan azad edilməsi xüsusi əhəmiyyətə malik idi. Suqovuşan kəndi birinci kənd idi ki, işğalçılardan azad edildi. Təkcə bununla bu kəndin əhəmiyyəti məhdudlaşmır. Çünki bildiyiniz kimi, bunun çox böyük strateji əhəmiyyəti var. Bax, bu kəndin ətrafında və su anbarının ətrafında yerləşən bütün mövqelərdə qanunsuz silahlı birləşmələr, Ermənistan ordusunun şəxsi heyəti yerləşmişdi. Hərbi nöqteyi-nəzərdən bu kəndi işğalçılardan azad etmək həm böyük qəhrəmanlıq tələb edirdi, həm də fədakarlıq tələb edirdi. Bizim hərbçilərimiz də öz canlarından keçərək, özlərini güllələrin qabağına verərək, bu şərəfli missiyanı yerinə yetirdilər. Allah bütün şəhidlərimizə rəhmət eləsin”. Həmçinin, cənab Prezident qeyd edib ki, Suqovuşan kəndində yerləşən bu yeni komplekslər, bu bölgədəki sakinlərə yalnız rahat yaşayış şəraiti yaratmaqla kifayətlənmir, həm də regionun strateji əhəmiyyətini gücləndirir. Cənab Prezident İlham Əliyev, Azərbaycanın müharibə və qarşısındakı çətinliklərə qarşı apardığı mübarizəni tərənnüm edərək, "Biz haqlı olan tərəfik, həm işğal dövründə öz haqq səsimizi ucalda bilmişik və bütün dünyaya sübut edə bilmişik ki, bu, bizim tarixi və hüquqi torpağımızdır," – deyə qeyd etmişdir. Bu sözlər, Azərbaycanın yalnız hərbi gücünü deyil, həm də ərazi bütövlüyü məsələsindəki haqlı mövqeyini bir daha göstərir-deyə E.Süleymanov fikrini tamamlayıb.

Tarix: 24-03-2025, 11:08 Oxunub: 24