Azərbaycan Xalq Cümhuriyyətinin yaranması bizim vaxtilə itirilmiş dövlətçiliyimizi bərpa etdi

     Əsrlərdən bəri tarix kitablarından oxuyub tanış olduğumuz ölkəmizə olunan hücumlardan - qanlı faciələrdən biri də 1990-cı ildə törədilmiş yanvar faciəsindən sonra bu ölkəni, bu dövləti ayağa qaldırası, milli dövlətçilik təfəkkürü əsəsında birləşdirəsi bir gücə ehtiyac var idi.
     1993-cü il oktyabrın 3-də ümumxalq səsverməsi nəticəsində Azərbaycan Respublikasının Prezidenti seçilən Heydər Əliyevin Azərbaycan xalqının milli dövlətçilik təfəkkürü uğrunda gördüyü işlər danılmazdır.
             Etdiyi çıxışlardakı möhtəşəm nitqi ilə hər zaman hər kəsi heyran qoyan Ümumilli Lider Heydər Əliyevin belə çıxışlarından biri də 27 may 1998-ci ildəki Azərbaycan Xalq Cümhuriyyətinin 80 illik yubileyinə həsr olunmuş
təntənəli mərasimdə nitqi idi. Xalqının keçmişinə dərindən bağlı və bələd olan Ulu Öndər bu çıxışında “Xalqımızın böyük insanları 1918-ci il may ayının 28-də Tiflisdə Azərbaycanın "İstiqlal Bəyannaməsi"ni elan edərək respublikamızın müstəqilliyinin əsasını qoydular. Azərbaycan Xalq Cümhuriyyətini yaratdılar. Məlumdur ki, o vaxt əvvəlcə Milli Şura yaranmışdı və Milli Şuranın qərarı ilə də "İstiqlal Bəyannaməsi" elan edilmişdi. Beləliklə, XX əsrin əvvəlində Azərbaycanda xalqımız milli azadlığını bəyan etdi, öz milli dövlətini yaratmağa başladı.
Azərbaycan Xalq Cümhuriyyətinin yaranması bizim vaxtilə itirilmiş dövlətçiliyimizi bərpa etdi. Eyni zamanda, Azərbaycan Xalq Cümhuriyyətinin yaranması xalqımızın tarixində ilk dəfə demokratik prinsiplər əsasında müstəqil Azərbaycan dövlətinin, hökumətinin yaranmasının əsasını qoydu.
Azərbaycan Xalq Cümhuriyyətinin yaranması, istiqlal Bəyannaməsinin elan olunması böyük zəka, uzaqgörənlik, cəsarət, iradə, qəhrəmanlıq tələb edirdi. Bizim dəyərli siyasi xadimlərimiz o gün, o il, o ay bu tarixi addımı atdılar”- deyə bildirmişdir.
      Ulu öndərimiz Heydər Əliyev xalqımızın birliyini hər zaman öz nitqlərində vurğulamışdır. Öncəliyi Azərbaycan milli birliyinin formalaşması Ümumilli liderimiz Dünya azərbaycanlılarının birinci qurultayında öz çıxışında bildirmişdir. “Azərbaycanın müstəqilliyi əbədidir, dönməzdir və daimidir. Əziz dostlar, müstəqil Azərbaycan həmişə sizin dayaq yeriniz olacaq, pənah gətirdiyiniz yer olacaqdır və təbiidir ki, Azərbaycanda biz də sizi özümüzün elçiləri hesab edirik, sizə çox ümidlər bəsləyirik, sizə arxalanırıq, sizi özümüzə dayaq hesab edirik. Müstəqil Azərbaycan dövləti gənc olduğu kimi, Azərbaycanın həmrəyliyi də, dünya azərbaycanlılarının birliyi də, müxtəlif ölkələrdəki Azərbaycan icmaları da gəncdirlər”.
        Bizlər də bu gün gənc nəsli bu yöndə yetişdirir, müstəqil həyata hazırlayır. Ulu öndər davamçısı Cənab Ali Baş komandan müzəffər xalqın prezidenti İlham Əliyevin başçılığı ilə  Xalqımız, millətimiz tərəfindən ümumilli liderimizin milli dövlətçilik təfəkkürü yaşayıb gələcək nəsillərə ötürüləcəkdir.
Maştağa qəsəbəsi, 293 saylı tam orta məktəbin
Azərbaycan dili və ədəbiyyat müəllimi Aysel Fərzəli

Tarix: 2-03-2023, 11:36 Oxunub: 41