Bu gün Cəbrayılda Azərbaycan nəfəsinin izləri var

Tarix hadisələri adiləşdirməsi ilə məşhurdur. Ancaq bəzi hadisələr, bəzi anlar zaman keçdikcə daha da əhəmiyyət daşıyır, daha qürurverici olur. Cəbrayılın azad olunmasından keçən iki il Azərbaycan tarixinə yeni uğurlar, strateji üstünlüklər, siyasi qələbələr gətirmişdir. Cəbrayıl 27 illik işğal rejiminin sonunda Böyük Qayıdışın ilk halqası olmuşdur. Həmin gün yaşadığımız qürurverici duyğular hələdə xatirimizdədir. Cənab prezidentin qürurlu, məğrur açıqlaması xalqa böyük sevinc, Böyük Qələbəyə inam yaratdı. Bundan sonra Azərbaycan xalqı artıq zamanın bizim xeyrimizə işlədiyinə inandı. Tarix öz bumeranqını yaşayırdı.             Düzdür biz bu yolda çox igidləri qurban verdik, çox ağır günlərin şahidi olduq. Yenə vətən torpağı şəhid qanları ilə yoğruldu. Ancaq məşhur filosof Nitsşenin dediyi kimi “Öləcəm məni bu torpağa basdıracaqsınız, sonra bu torpağı mənə görə sevəcəksiniz” ifadəsində olduğu kimi bu cavan canlar bu torpağa öz qanlarını qarışdıraraq bu vətəni bizə daha çox sevdirdilər. Artıq onlar da vətənin bir parçası, bəlkə elə vətənin özüdülər.                                                                                   Azərbaycan Respublikası Prezidentinin Sərəncamı ilə 2020-ci il noyabrın 26-da “Cəbrayılın azad olunmasına görə” medalı təsis edildi. Cəbrayıl rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin 22775 hərbi qulluqçusu “Cəbrayılın azad olunmasına görə” medalı ilə təltif edilmişdir. Bu rəqəmlər böyük şücaətin, sarsılmaz mərdliyin təcəssümüdür.
  Cəbrayıl rayonu ərazisində yerləşən qədim Xudafərin körpüsünün düşməndən azad edilməsi və Müzəffər Ali Baş Komandan İlham Əliyevin bu körpüdə Azərbaycan bayrağını ucaltmasının böyük tarixi və siyasi əhəmiyyəti vardır. Azərbaycanın İranla olan sərhəddində artıq Şanlı Azərbaycan bayrağı dalğalanır. Bu hər bir Azərbaycan vətəndaşı üçün qürur mənbəyidir.
Bu gün Cəbrayılda Azərbaycan nəfəsinin izləri var. Keçən zaman ərzində demək olar hər gün burada yeniliklərə imza atılır. Cəbrayılı yenidən Azərbaycana və həyata qazandırmağa çalışır. Cəbrayıl şəhərinin mədəniyyətini, tarixini, infrasturukturlarını bərpa etmək istiqamətində çox təqdirəlayiq addımlar atılır. Xalq olaraq inanırıq ki, tezliklə Cəbrayıl, eləcə də digər azad olunan  rayonlarımız özlərinin ən gözəl halına qovuşacaqlar. Biz bunu bacaracağıq. Necəki mənfur düşməndən haqqımızı almağı bacardıq. Sülhün, əminamanlığın höküm sürdüyü, güllü, çiçəkli amma bir o qədərdə şanlı tarixi olan şəhərlərimiz olacaq bizim.
Balaxanı qəsəbəsi, 69 № məktəbin
tarix müəlliməsi Xəyalə Əsgərli

Tarix: 4-10-2022, 12:32 Oxunub: 53