Dünyada koronavirusa qarşı peyvəndi inkişaf etdirmə çalışmaları davam edərkən bəzi ölkələr peyvənd almaq üçün "yarışa girib”.
Təsdiqlənməmiş və ya hələlik nəticəsi bilinməyən peyvəndlərin 53 faizi zəngin ölkələr tərəfindən sifariş olunub. Yoxsul ölkələrin isə peyvənd almaq üçün 2024-cü ilə qədər gözləmək məcburiyyətində qalacağı bildirilib.
QanunXəbər.com  Moderator.az-a istinadən xəbər verir ki, ABŞ ümumilikdə 1 milyarddan çox, Kanada 358 milyon, Birləşmiş Krallıq 355 milyon, Yaponiya 290 milyon, Avstraliya 134 milyon 800 min doza peyvənd sifariş edib.
Kanada əhalisini təxminən 5 dəfə, Birləşmiş Krallığın isə təxminən 3 dəfə peyvəndləməyə yetəcək qədər vaksin sifariş verdiyi qeyd edilir.