Vardanyan və dəstəsi Qarabağda təxribata əl ata bilər - Diqqət 24-25 maya...

Rusiyanın layihəsi olan, lakin Qarabağda uğur qazana bilməyən Ruben Vardanyan yenidən sahələrə dönməyə çalışır. DİA.AZ JAMAZ.İNFO-ya istinadla xəbər verir ki, Arayik Harutyunyandan birtəhər “dövlət naziri” postunu qoparan, amma sonradan bu postdan qovulan erməni milyarder Xankəndidə təşəbbüsü əl almaq üçün cəhdlər edir.

Qeyd edək ki, aprelin sonlarında “yol xəritəsi” hazırlayan Vardanyan onu mayın 9-da Xankəndidə keçirilən mitinqdə separatçıların rəhbərlərinə təqim etmişdi. 77 bənddən ibarət olan bu “yol xəritəsi”ndə bir sıra məqamlara yer ayrılıb. Onlardan ən birincisi isə Qarabağ ərazisində yaşayan ermənilər arasında hərbi səfərbərliyin elan edilməsi və Azərbaycana zərurət olarsa, silahlı müqavimətin göstərilməsidir.

JAMAZ.İNFO xəbər verir ki, Vardanyan bu layihəsini həyata keçirmək üçün Harutyunyandan icazə almayacağını də deyib. O bildirib ki, əgər Qarabağdakı separatçılar bu təklifləri qəbul etməsələr, onlar özləri bunu reallaşdıracaqlar. Yəni, Ruben başının dəstəsi ilə “proqramı”nı həyata keçiriəcək.

Bildirək ki, ötən gün Qarabağdan canlı yayım edən erməni miyarder Ermənistanın baş nazirini tənqid etmişdi. O bildirmişdi ki, Nikol Paşinyan ciddi səhvə yol verir və bunun qarşısı alınmalıdır. Bu gün isə məlum olub ki, Vardanyan mayın 24-25-də Xankəndidə 77 bəndlik “yol xəritəsi”ni ictimaiyyətə açıqlayacaq. “Hraparak” qəzetinin yaydığı xəbərdə isə vurğulanır ki, artıq bununla bağlı Qarabağdakı separatçıların bir qismi ilə danışıqlar başlayıb.

Həmin danışıqlarda qərarlaşdırlan məsələ odur ki, separatçılar Ermənistan hakimiyyətinə müraciət qəbul edəcəklər. Onlar İrəvandan tələb edəcəklər ki, ya Qarabağdakı separatçı rejimi dəstəkləsin, ya da kənara çəkilsinlər və onların adından qərar verməyi dayandırsınlar.

Ardından isə Vardanyan və tərəfdarları “yol xəritəsi”nin icrası tələbi ilə Arayik Harutyunyandan səlahiyyət tələb edəcəklər. Və bunun üçün uzun zaman gözləmək fikirlərinin olmadığı da qeyd olunur. Bildirilir ki, ən geci mayın 25-nə kimi Arayikə vaxt qoyulacaq. Cavabından asılı olmayaraq, addımlar atılmasına start veriləcək.

Xatırladaq ki, Ruben Vardanyan Qarabağda “Qarabağın Təhlükəsizliyi və İnkişafı Cəbhəsi” adlı təşkilat da yaradıb. Hazırda isə o, Xankəndidə bütün qüvvələri başına yığmaq üçün bütün cəhdlər edir.

Bütün bunların fonunda Azərbaycan tərəfi, xüsusən bölgədəkəi hərbi birliklərimiz olduqca diqqətli olmalıdırlar. Ona görə ki, Vardanyanın təkliflərindən biri Azərbaycan Ordusuna qarşı silahlı müqavimət göstərməkdən ibarətdir. Və bu, rus kuklasının təxribata əl atacağını deməyə əsas verir.

Onu da qeyd edək ki, hal hazırda Qarabağda rusların himayəsində olan 10 mindən artıq qanunsuz silahlı dəstə var. Davamlı olaraq Ermənistandan onlar üçün silahlar daşınır. Bunu Azərbaycan Müdafiə Nazirliyi dəfələrlə təsdiqləyib, hətta videofaktlar da təqdim edib.

Görünür, Rusiya Qarabağda uzun müddət qalmaq, münaqişənin davam etdiyi görüntüsü yaratmaq, habelə bölgədə davamlı təxribatlara əl atmaq üçün yeni planını işə salmağa çalışır. Həmin planı isə Vardanyana həvalə edib. Lakin Kreml də yaxşı bilir ki, əgər Qarabağda hər hansı silahlı müqavimət müşahidə olunarsa, oradakı qanunsuz silahlı dəstələrin aqibəti olduqca ağır olacaq. Hətta müqavimət göstərmək imkanları belə olmayacaq.

Tarix: 24-05-2023, 14:22 Oxunub: 71