Eltun Süleymanov: “Şarl Mişelin bu görüşü Azərbaycan üçün uğulu görüş adlandırması da cənab Prezidentin apardığı uğurlu siyasətin nəticəsi kimi dəyərləndirilməlidir

“İyulun 15-də Brüsseldə Avropa İttifaqı Şurasının Prezidenti Şarl Mişel, Azərbaycan Prezidenti İlham Əliyev və Ermənistan baş naziri Nikol Paşinyan ilə keçirilmiş sayca altıncı görüşün yekunları bir daha təsdiqlədi ki, ölkəmizin ərazi bütövlüyünün təhlükəsizliyinin təmin olunması ölkə başçısının gündəmində olan məslələrdən biri və birincisidir. Həm də bu siyasət ardıcıl, beynəlxalq hüquqa söykənən və haqlı tələblər fonunda reallaşır. Bu mənada siyasət elə aparılır ki, mütəmadi olaraq bütün qondarma “sivil dünya”ya şikayət edib guya Azərbaycaın Qarabağ ermənilərinin hüquqlarını “pozması”, “etnik təmizləmə” aparması, barədə haray salan lakin eyni zamanda heç bir sübut təqdim edə bilməyən Ermənistan aciz durumda qalmaqda davam edir.
Məlumdur ki, Azərbaycan daima Ermənistanla mehriban qonşuluq münasibətlərinin vacibliyindən, sülh müqaviləsinin imzalanmasının vacibliyindən danışır, eyni zamanda irəli getməli olduğumuzu, üçtərəfli sazişləri həyata keçirməli olduğumuzu, o cümlədən Ermənistan silahlı qüvvələrinin Qarabağdan çıxarılmasının başa çatdırılmasının zəruriliyini deyir. Həm Ermənistan silahlı qüvvələrinin AZərbaycan ərzaisindən çıxarılması, həm də Qarabağda erməni əhalisi arasında demilitarizasiya aparılması kimi tələblər bütünlüklə Azərbaycanın haqlı tələbidir və bunu bütün tərəflər və qüvvələr aydın şəkildə dərk edirlər.”

Bu sözləri aia.az-a verdiyi açıqlamada Nəsimi RİH-nin yanında İctimai Şuranın sədr müavini Eltun Süleymanov deyib.

Müsahibimiz qeyd edib ki, Ermənisatan üzərində tarixi qələbədən sonra iqtisadi qüdrətimizin artması diplomatik masada mövqeyimizi daha da gücləndirmişdir. Ermənistanın baş naziri Nikol Paşinyandan fərqli olaraq cənab Prezident İlham Əliyevin təcrübəli və hazırlıqlı siyasətçi olması, qətiyyətli mövqe nümayiş etdirməsi də diqqət mərkəzinbdədir. İrəli sürdüyü bütün məslələrdə beynəlxalq hüquqa və Azərbaycan Konstitusiyasının müddəalarına əsaslanan ölkə başçısı bu gün İrəvanın irəli sürdüyü əsassız tələblərin heç vaxt reallaşmayacağını bir daha qəti şəkildə bəyan etdi və erməni havadarları da bu mövqe ilə barışmaq məcburiyyətini bir daha dərk etdilər.
Son danışıqların əsas nəticələrindən biri də liderlər səviyyəsində hər iki dövlətin ərazi bütövlüyünün tanınmasının bəyan edilməsi ldu. Aydındır ki, əslində hələ 1990-cı ildə bu proses Almatı bəyannaməsində baş vermişdi. Lakin sonradan Ermənistanın işğalçılıq siyasəti yeritməsi bu müddəanı necə deyərlər, kölgə altında qoymuşdu. Lakin situasiya o dövrdəki situasiya deyil. Müzəffər Ali Baş Komandan İlham Əliyevin rəhbərliyi ilə Azərbaycan xalqı və ordusu öz sözünü demişdir və Ermənistan reallıqla barışmaq məcburiyyətində qalmışdır.”

Eltun Süleymanov bildirmişdir ki, “görüşdə müzakirə olunan məsələlərdən biri də sərhədlərin delimitasiyası, sülh müqaviləsi üzrə danışıqların davam etdirilməsi, nəqliyyat dəhlizlərinin açılması, Naxçıvan Muxtar Respublikasının Azərbaycanın digər hissələri ilə nəqliyyat əlaqəsinin yaradılması, qanunsuz hərbi birləşmələrin Azərbaycan ərazisindən çıxarılması və onların tərk-silah edilməsi, Laçın yolunda qaçaqmalçılıq məsələləri olmuşdur. Humanitar daşımaların Bərdə-Ağdam istiqamətindən daşınması perspektivinin müzakirə mövzusu olması və Avropa İttifaqı Şurasının prezidenti Şarl Mişelin bu təklifi dəstəkləməsi Azərbaycanın növbəti uğuru kimi qəbul edilməlidir.
Şarl Mişelin Avropa İttifaqının təmsilçisi olmasını nəzərə alanda bunun əslində çox böyük diplomatik uğur olduğunu söyləyə bilərik.
Qərbi Azərbaycan icmasının tarixi torpaqlarımıza, ata-baba yurdlarımıza qaytarılması məsləsinin müzakirəsi də kifayət qədər mühüm məsələdir. İlk növbədə beynəlxalq aləm bilir və bilməlidir ki, az qala bir əsrdən çoxdur ki, aparılan etnik təmizləməyə baxmayaraq xəritələr və tarixi sənədlə təsdiq edir ki, o torpaqlar bizim tarixi vətənimizdir.”
“Avropa İttifaqının və ABŞ-nin Azərbaycanın mövqeyini dəstəkləməsi Ermənisatnı çıxılmaz duruma salıb. Qərbə inteqrasiyaya meyl etdiyini göstərən, zaman-zaman da Rusiyaya sığınıb Qərblə oyun oynamağa çalışan Ermənistanın haqsız tələbləri hamıda ikrah hissi oyadıb. Cənab İlham Əliyev təkzibedilməz arqumentlərlə dünya güclərini və erməni tərəfdarlarını da fakt qarşısında qoymuşdur. Brüssel görüşündə Azərbaycanın mövqeyinin dəstəklənməsi və Şarl Mişelin bu görüşü Azərbaycan üçün uğulu görüş adlandırması da cənab Prezidentin apardığı uğurlu siyasətin nəticəsi kimi dəyərləndirilməlidir-deyə müsahibimiz fikrini yekunlaşdırıb.

Tarix: 18-07-2023, 10:29 Oxunub: 82