Müsəlman ölkələri arasında Azərbaycan üçüncü yerdə qərarlaşıb

Azərbaycan Respublikasının Prezidenti, Milli Olimpiya Komitəsinin Prezidenti Cənab İlham Əliyev 14 avqust tarixində XXXIII Paris Yay Olimpiya Oyunlarında medal qazanmış Azərbaycan idmançılarını və onların məşqçilərinin qəbulu edib. Görüşdə çıxış edən dövlətimizin başçısı Cənab İlham Əliyev dedi: İlk növbədə, idmançılarımızı gözəl qələbələr münasibətilə təbrik eridəm.Siz Yay Olimpiya Oyunlarında ölkəmizi ləyaqətlə təmsil etmisiniz, Azərbaycan Bayrağını ucaltmısınız,bütün xalqımızı sevindirmisiniz.Sizi həm təbrik edirəm, həm də sizə öz təşəkkürümü bildirmək istəyirəm. İdmançılarımız dünyanın ən güclü 30 ölkəsinin arasınada yer almışdır- 2-qızıl, 2-gümüş, 3-bürünc medal qazanmışlar. bu çox yaxşı nəticədir. İdmançılarımız öz çəki dərəcələrində liderliklərini qoruyub və bu liderliyi olmpiya oyunlarında bir daha təsdiq etmiş oldular.
Müsəlman ölkələri arasında Azərbaycan üçüncü yerdə qərarlaşıb. Nəzərə alsaq ki,İslam Əməkdaşlıq Təşkilatında 57 üzv mövcuddur. Bu çox gözəl və tarixi nəticədir. Prezidentimiz Cənab İlham Əliyev xüsusi ilə qızıl medalçılarımız Hidayət Heydərov və Zelimi Kostoyev Olimpiya oyunlarının ilk günlərində qələbə sevincini xalqımıza bəxş etdikləri üçün təbrik etdi.
Daha çox medal qazana bilərdik. Amma bu idmandır, idmanda qələbədə olur, məğlubiyyət də olur. Əsas odur bu oyunlar bir daha göstörir ki, Azərbaycanda idmanın inkişafı ardıcıl surətdə gedir. İdmançılarımız beş idman növündə medallar qazanmışlar:cüdo, boks, taekvando,yunan-Roma güləşi, sərbəst güləş üzrə. Yəni, bu da onu göstərir ki, Azərbaycanda idmanın bir çox növləri inkişaf edir.
Nəzərə alsaq ki, idmanla məşğul olmaq üçün ölkəmizin hər bir yerində gözəl şərait var. İdmana rəhbərlik edən qurumlar arasında kordinasiya işləri düzgün qurulub fəaliyyət göstərir.Nəzərə alsaq ki, hər bir Olimpiya oyunlarından sonra, xüsusi ilə ölkəmiz üçün uğurlu oyunlardan sonra idman bölmələrinə uşaqların, yeniyetmələrin axını müşahidə olunur, növbəti Olimpiya Oyunlarına hazırlıq prosesi də ardıcıl aparılacaq. Olimpiya oyunları bütün digər idman yarışları arasında xüsusi yer tutan bir yarışdır, dörd ildən bir keçirilən idman bayramıdır və əlbəttə ki, hər bir idmançı, hər bir ölkə bu oyunlara xüsusilə hazırlaşır. Bizim Olimpiya Oyunlarındakı uğurlarımız əvvəlki illərdə də, son Oyunlarda da göstərir ki, Azərbaycan güclü idman dövlətidir.
Olimpiya çenpionu Hidayət Heydərov çıxış edərək, Cənab Prezidentə dərin minətdarlığını bildirmiş, idmançılara göstərilən diqqət və qayğıya görə təşəkkürünü bildirdi. İdmançımız Fransanın Paris şəhərində keçirilən Olimpiya Yay Oyunlarında bayrağımızın qalxması və Himnimizin sənləndirilməsi zamanı fəxr və qürur hissi duymuşdur.
Eyni zamanda Prezident cənab İlham Əliyev tam əminliklə bildirdi ki, həm cüdo, həm digər idman növləri ilə məşğul olmaq istəyən uşaqlarımızın sayı çox olacaq. Uzun illər ərzində verilən tapşırıqlar bir məqsəd güdür ki, fiziki, mənəvi cəhətdən sağlam , Vətənə bağlı, vətənpərvər və peşəkar gənc nəsil yetişsin. İdmanşılarımızın uğurlu çıxışları bunu bir daha göstərir ki, biz gənc nəslimizlə haqlı olaraq fəxr edə bilərik. Əlbəttə ki, bu nailiyyətlər, eyni zamanda, medallar qazanmış idmançıların məsuliyyətini də artırır.
Bizim idmançılarımız həm yarışlarda, eyni zamanda həyatda nümunəvi davranış qaydaları göstərirlər. Gənclər idmançılarımız kimi olmaq istəyəcəklər və qələbənin vacib tərəflərindən biri məhz bundan ibarətdir. Biz dövlətimizlə,idmançılarımızla fəxr edirik.

Maştağa qəsəbəsi, 293 nömrəli tam orta məktəbin
fiziki tərbiyə müəllimi Malik Eylasov

Tarix: 16-08-2024, 09:55 Oxunub: 77