Tahir Rzayev: Bizi haqq yolundan hec kim döndərə bilməz

Saatlıda 60000 hektara yaxın sahə suvarılıb

Saatlı rayonunda hər il olduğu kimi bu il də suvarma normalara uyğun olaraq aparılıb və artıq başa çatdırılıb. Saatlı Suvarma Sistemləri İdarəsi 60 min hektara yaxın suvarma şəbəkəsi ilə əhatə olunan sahəyə xidmət edir. İdarə sahələrin suvarılmasını ümumi uzunluğu 1400 km-dən artıq olan suvarma kanalları, 2000-dən çox sayı olan hidrotexniki qurğu, 61 ədəd nasos aqreqatı və digər köməkçi vasitələrlə təmin edir. Balansda olan suvarma kanallarında suyun axınının maneəsiz təmin olunması istiqamətində hazırda müxtəlif ərazilərdə lildən təmizlənmə işləri həyata keçirilir. Araz çayından ayrılan suvarma qollarının tez-tez lillənməsi kanalların mütəmadi təmizlənməsini vacib edir. Bununla yanaşı kollektor-drenaj şəbəkəsi də lildən təmizlənir, ərazidə olan torpaqların şoranlaşmasının qarşısı alınır.

Saatlı Suvarma Sistemləri İdarəsi tərəfindən ilin əvvəlindən bu vaxta qədər 22 ədəd hidrotexniki qurğu, 2 ədəd nasos stansiyası, 7 km nov kanal cari təmir edilib. Eyni zamanda 2022-ci ilin II rübündə ümümi uzunluğu 330 km olan suvarma kanallarında 891 min m³, uzunluğu 158 km olan kollektor-drenaj şəbəkəsində isə 544 min m³ mexanizmlə lildən təmizlənmə işi yerinə yetirilib. Bundan başqa Araz çayında nasos stansiyaların ətrafında 255 min m³ məcratəmizləmə işləri də başa çatdırılıb.

Qeyd edək ki, Saatlı rayonunda bu il 18515 hektar taxıl, 16930 hektar yem bitkiləri, 13000 hektar pambıq, 252 hektar qarğıdalı, 2650 hektarı bostan-tərəvəz və 66 hektarı silos qarğıdalı əkilib və suvarılması tam başa çatdırılıb.

Saatlı Suvarma Sistemləri İdarəsinin rəisi Tahir Rzayev - Noyabrın 21-də Heydər Əliyev Mərkəzində Yeni Azərbaycan Partiyasının yaradılmasının 30 illiyi münasibətilə keçirilən tədbirdə Yeni Azərbaycan Partiyasının sədri, cənab Prezident İlham Əliyevin çıxışı Partiyamızın tarixində ən yadda qalan hadisələrdən biri idi. Prezident İlham Əliyev YAP-ın 30 il ərzində keçmiş olduğu tarixi yol haqqında danışaraq Partiyanın Azərbaycan xalqının tarixi sərvəti kimi ölkəmizin inkişafındakı rolundan bəhs edib.
Ölkəmizin müstəqilliyinin ilk illərində ağır faciələrlə üzləşən xalqımız bütün bu ağrılı və mürəkkəb proseslərdən çıxış yolunu Heydər Əliyevin müdrik və xilaskar lider rolunda görürdülər. Xalqın Ulu Öndərə olan inamı və etibarı təsadüfi deyildi. Ulu Öndər Heydər Əliyev ən ağır zamanlarda öz xalqının yanında olmuş və hərkəsin qurtuluşa gedən yolda imdadına çatan böyük xilaskar idi. Azərbaycan xalqı öz dəstəyini və qüvvəsini Ulu Öndər Heydər Əliyevin ətrafında səfərbər etmək üçün yaranan böyük zərurətdən 500-dən çox ziyalının iştirakı ilə Yeni Azərbaycan Partiyasını təsis etdi. Ölkəmizin yenicə qazanmış olduğu müstəqilliyini qoruyub saxlamaq, onu möhkəmləndirmək, sabit və firavan ölkəyə çevirmək xalqı Ulu Öndər Heydər Əliyevin ətrafında birləşdirən əsas amallar idi. Ulu Öndər Heydər Əliyevin 1993-2003-cü illərdə ölkəmizə rəhbərlik etdiyi dövrdə Azərbaycan dövlətinin əsasları qoyularaq möhkəmləndirildi.
2003-cü ildə Azərbaycan xalqı müdriklik nümayiş etdirərək uğurlu gələcəyin təminatı üçün yenidən Heydər Əliyev siyasətinə səs verdi. Ölkəmizin Heydər Əliyev yolunda irəliləməsini isə yalnız böyük tarixi şəxsiyət, dövlət xadimi cənab Prezident İlham Əliyev həyata keçirə bilərdi. Prezident İlham Əliyev tərəfindən Ulu Öndərin qarşıya qoyduğu bütün hədəflər və tapşırıqlar yerinə yetirilərək güclü Azərbaycan dövləti quruldu, torpaqlarımız işğaldan azad edilərək Qarabağ problemi həll olundu.
2003-ci ildən etibarən 3 dəfə artan iqtisadiyyatımızın bu il rekord həddə yəni, 130 milyard manata çatacağı gözlənilir. Azərbaycan özünün inkişaf tarixində növbəti yeni dövrə qədəm qoyub. Bu dövr Qarabağ və Şərqi Zəngəzurda quruculuq və yenidənqurma prosesini özündə ehtiva edir. Düşmən tərəfindən 30 ilə yaxın dövrdə dədə-baba torpaqlarımızda dağıntıya məruz qalmış şəhər və kəndlərimizin sürətlə bərpası Azərbaycan xalqının böyüklüyünü, öz mirasına necə sahib çıxdığının göstəricisidir.

Tarix: 24-11-2022, 10:07 Oxunub: 137