Braziliya Prezidenti Jair Bolsonaronun keçmiş generalı "Petrobras" şirkətinin Baş direktoru olaraq təyin etməsi bazarlarda narahatlıq yaradaraq Braziliya Realının gün ərzində ən çox dəyər itirən pul vahidi olmasına səbəb olub.
Marja xəbər verir ki, bir çox iqtisadçı və analitikə görə, Jair Bolsonaronun "Petrobras"ın Baş direktorunu dəyişdirməsi yerli bazarlar üzərində pis bir təsir yaradacaq. Qərardan sonra  təxminən "Petrobras" 4,5 milyard dollar dəyərdən düşüb.
Çikaqo Universitetindən məzun Roberto Castello Branco-nun yerinə keçmiş general Joaquim Silva e Luna təyin edilib. Bolsonaro dəyişikliyin reallaşa bilməsi üçün "Petrobras"ın idarə heyətinin təsdiqini gözləmək məcburiyyətindədir.
Mərkəzi Bankın keçmiş Direktoru Sergio Goldenste təyinatla əlaqədar, "Son zamanlardakı proseslər çox narahatlıq yaradır və sərmayəçilərin yerli aktivlərə olan iştahını azalda bilər. Qlobal toparlanmaya baxmayaraq çox diqqətli olmaq lazımdır" deyib.
Bazarlar Bolsonaronun verdiyi qərarın yeni siyasət çərçivəsi olub-olmadığını bilmək istəyir.