İşğaldan azad olunmuş ərazilərdə hal-hazırda minlaradan təmizlənərək, genişmiqyaslı yenidənqurma işlərinin həyata keçirilməsi nəzərdə tutulmuşdur

2019-cu ildə Azərbaycan Qoşulmama Hərəkatı ölkələrinin yekdil qərarı ilə 2019-2022-ci illər üzrə Qoşulmama Hərəkatına sədrliyinə başladı. Sədrliyimizin müddəti yekdil qərarla daha bir il uzadıldı. Biz Azərbaycanın sədrliyinə göstərdikləri dəstəyə görə üzv dövlətlərə minnətdarıq. Qoşulmama Hərəkatı beynəlxalq təşkilatdır və onun Koordinasiya Bürosu Nyu-York şəhərində yerləşir.
        2023-cü il 2 mart tarixində Bakıda Qoşulmama Hərəkatının COVID-19-a qarşı mübarizə üzrə Təmas Qrupunun Zirvə görüşü keçirilib. Azərbaycan Respublikasının Prezidenti cənab İlham Əliyev görüşdə iştirak etmiş və bəzi mühüm məsələlərə toxunmuşdur. İlk öncə İlham Əliyev Azərbaycanın daha bir il Qoşulmama Hərəkatına sədrlik edəcəyi ilə bağlı dəstəyə görə üzvlərə öz təşəkkürünü bildirdi. Sədr kimi əsas məqsədimizin beynəlxalq hüququn və ədalətin müdfaiə etmək olduğunu diqqətə çatdırdı.
Azərbaycan 2019-2022-ci illər ərzində Qoşulmama Hərəkatında sədr olduğu müddətdə Covid-19 pandemiyasının qarşısının alınmasında ilk təxirə salınmaz addımlar atmış və dünya ölkələri ilə bu proseslərdə  sıx əməkdaşlıq etmişdir.  Azərbaycan Covid 19 pandemiyası dövründə dünya ölkələrinə çağırışlar etmiş, karantin qaydalarına əməl etməyə və peyvəndlənmə prosesə fəal iştirak etməyə dəvət etmişdir. Bəzi zəngin ölkələrin tətbiq etdiyi “peyvənd milliyətçiliyi” ni ciddi xoşagəlməz hal kimi qəbul etmək olar. Lakin son olaraq peyvəndlənmə prosesi ədalətli və şəffaf həyata keçirilmişdir.
      Azərbaycan pandemiya dövründə 80-dən çox ölkəyə, bir sıra təşkilatlara (Ümumdünya Səhiyyə Təşkilatı və s.) istər maliyyə, istərsə də humanitar yardımlar etmişdir. Bütün bu proseslər Azərbaycanın sədrlik dövründə baş vemiş və dünya ölkələrinin bu çətin məqamda ölkəmiz öz dəstəyini əsirgəməmişdir.
      Azərbaycan bu dövr ərzində 2020-ci ildə 30-ilə yaxın olan işğal altında qalan torpaqları Ali Baş Komandan İlham Əliyevin göstərdiyi şücaət nəticəsində azad etmişdir. Azərbaycanın bu haqq savaşını Qoşulmama Hərəkatının üzv ölkələri də dəstəkləmişdilər. İşğaldan azad olunmuş ərazilərdə hal-hazırda minlaradan təmizlənərək, genişmiqyaslı yenidənqurma işlərinin həyata keçirilməsi nəzərdə tutulmuşdur.
       Sonda İlham Əliyev COVID-19 pandemiyası dövründə olduğu kimi, Azərbaycanın Qoşulmama Hərəkatının ehtiyacı olan üzv ölkələrinə maliyyə və humanitar yardım göstərməyə davam edəcəyini nəzərə çatdırdı. Bütün zəruri və təxirəsalınmaz addımların atılması istiqamətində lazımi tədbirlər görüləcəkdir.  Daha sonra   İlham Əliyev iki bəyanat çağırışı elan edib. Bunlar Afrikanın və inkişaf edən kiçik ada dövlətlərinin pandemiyadan sonrakı bərpasını dəstəkləməkdir. Prezident öz çıxışında belə qeyd edir: “Məmnuniyyətlə elan edirəm ki, Azərbaycan ilk donor ölkə kimi hər iki qlobal çağırışa 1 milyon ABŞ dolları məbləğində vəsait ayırır. İnanıram ki, Qoşulmama Hərəkatının üzvləri və beynəlxalq ictimaiyyətin digər üzvləri Azərbaycanın təşəbbüsünü dəstəkləyəcək və bizə qoşularaq postpandemiya bərpası dövründə ehtiyacı olan ölkələrə dəstək verəcəklər”.
          Ümumilikdə Azərbaycanının Qoşulmama Hərəkatına daha da bir il sədrlik etməsi, üzv ölkələrin ölkə Prezidentimiz İlham Əliyevin qarşıda duran hədəflərə nail olmasına, irəli sürdüyü mühüm təşəbbüsləri tam dəstəkləməsinə bariz nümunədir. Cənab Prezidentimiz İlham Əliyev növbəti bir ildə də sədr kimi öz üzərinə düşən vəzifələri layiqincə yerinə yetirməyə hazır olduğunun bəyan etmişdir.
293 nömrəli tam orta məktəbin
Azərbaycan dili və ədəbiyyat müəllimi Günəş Babazadə

Tarix: 4-03-2023, 12:11 Oxunub: 148