Azərbaycan neft, qaz sənayesinin inkişafı üçün ən son texnologiyalardan istifadə edir

Azərbaycan Respublikası müstəqilliyin bərpa etdikdən sonra xarici ökələrlə siyasi, iqtisadi münasibətləri inkişaf etdirmək üçün çoxsaylı senədlər imzalamış, çoxlu sayda siyadi zirvələrdə iştirak etmişdir.
Azərbaycan Respublikası neft, qaz sənayesinin inkişafı üçün ən son texnologiyalardan istifadə edir. Azərbaycan neftinin Avropa və Asiya ölkələrinə daşınması ölkə iqtisadiyyatının çiçəklənməsinə səbəb olmuşdur.
Azərbaycan Respublikası Avropa ölkələri ilə münasibətləri yaxınlaşdırmaq üçün qarşılıqlı danışıqları artırmışdır. Ən son Azərbaycan Respublikası Prezidenti İlham Əliyev Macarıstana resmi səfər etmiş və Macarıstan Baş naziri ilə ölkələrimiz arasında münasibətləri müzakirə etmişdir.
Macarıstan və Azərbaycan iki dost və tərəfdaş ölkə kimi bundan sonra da həm ikitərəfli əməkdaşlığı dərinləşdirəcək,həm də təmsil olunduğumuz beynəlxalq təşkilatlar çərçivəsində qarşılıqlı dəstəyi də bir-birinə əsirgəməyəcək. Azərbaycan və Macarıstan arasında olan dostluq əlaqələri həm ölkələrimiz üçün, həm Avrasiya qitəsi üçün çox böyük önəm daşıyır. Strateji tərəfdaşlığa dair imzalanmış sənədlər onu göstərir ki,həqiqətən Macarıstan və Azərbaycan dost ölkələrdir.
Uzun illər ərzində apardığımız uğurlu siyasət,birgə addımlar bu gün enerji sahəsində əməkdaşlıq üçün çox güclü zəmin yaratdı. Azərbaycan öz qaz resurslarını Avropa bazarlarına çatdırmaq üçün fəal çalışırdı və nəticə etibarilə iki il bundan əvvəl Cənub Qaz Dəhlizi icra edildi.Bu,çox müasir enerji infrastrukturudur, uzunluğu 3500 kilometrdir və artıq iki ildir ki, Azərbaycan Avropa İttifaqı məkanına öz təbii qaz resurslarını çatdırır. Keçən il Avropa Komissiyası ilə imzalanmış sənədə əsasən, Azərbaycan qaz təchizatını iki dəfə, bəlkə ondan da çox artırmağı planlaşdırır. Bunun üçün resurslar da var, siyasi iradə də var və tərəfdaşlarımızla təmaslar da var. Vaxtilə tarixə qovuşmuş sayılan NABUKKO layihəsini biz indi canlandırmışıq. Artıq interkonnektorlar vasitəsilə Azərbaycan qazı Bolqarıstana, ondan sonra Rumıniyaya,ondan sonra Macarıstana və Macarıstandan sonra digər Avropa ölkələrinə çatdırılacaqdır. Macarıstan təkcə Azərbaycan qazının istehlakçısı deyil,eyni zamanda, Azərbaycan qazını digər Avropa ölkələrinə tranzit edən ölkə kimi fəaliyyət göstərəcək.
Avropa Komissiyasının rəhbərliyi Azərbaycanı etibarlı tərəfdaş adlandırır. Enerji təhlükəsizliyi məsələləri bugünkü dünyada xüsusi əhəmiyyət daşıyır və dünya gündəliyinin ön sıralarındadır. Azərbaycanın zəngin neft-qaz resursları imkan verir ki, uzun illər bundan sonra - təbii qazla bağlı ən azı yüz il bundan sonra Avropa üçün etibarlı tərəfdaş olsun. Yaxın keçmişdə aşkarlanan böyük yaşıl enerji potensialı Azərbaycanın önəmini daha da artırır. Yaşıl enerji ilə bağlı olan və artıq icra olunan layihələr bizi Avropa üçün daha da yaxın edəcək. Keçən ay imzalanmış sazişə əsasən, Azərbaycan yaşıl enerjisini Avropaya çatdıracaq. Bakıda fevralın 3-də keçiriləcək toplantıda ilkin addımı atacağıq və beləliklə, Avropa qitəsinin enerji təhlükəsizliyi daha dolğun və əhatəli şəkildə təmin ediləcəkdir.

Balaxanı qəsəbəsi, 69 nömrəli məktəbin
Tarix müəllimi Nəzakət Həsənova

Tarix: 2-02-2023, 16:29 Oxunub: 70