Əhali arasında kifayət qədər hörmətlə tanınan həkim-stomatoloq Dr. Vüqar Qarayev haqqındadır açıqlamamız. Artıq uzun müddət bu yolda şərəflə addımlayan Vüqar həkim  ömrünün gecəsini-gündüzünü məhz insanların sağlamlığı yolunda həsr etmiş bir həkimdir. İşini çox sevir və öhdəsindən layiqincə gəlir Vüqar həkim. Ona üz tutan insanlar isə həmişə bu əli şəfalı həkimin təyin etdiyi dəqiq diaqnozdan razılıqla ayrılırlar. 
Vüqar Qarayev hörmətli bir ailədə dünyaya gəlmişdir. Orta məktəbdə oxuduğu illərdə öz bilik və bacarığı, fəallığı ilə seçilən , ailəsinə layiq olmaq, ali təhsil almaq, özünəməxsus yer tutmaq, insanlara, xalqa gərək olmaq kimi ali hisslərlə yaşayan Vüqar orta təhsilini başa vurduqdan sonra sənədlərini Azərbaycan Tibb Universitetinə verərək daxil olmuşdur. O, tələbəlik illərində çalışqan və elmi – biliklərə dərindən yiyələnən tələbə olmaqla yanaşı Tibb Universitetinin ictimai işlərində fəallıq göstərmişdir.

Vüqar Qarayevin fikrincə həkim öz ixtisasını dərindən bilməklə yanaşı, əsl ziyalı olmalıdır. Təsadüfi deyil ki, Hippokrat həkimlikdə ən vacib 3 keyfiyyətdən birinin söz olduğunu göstərmişdir. Həkim gözəl nitq qabiliyyətinə malikdirsə, hələ xəstə ilə ilk ünsiyyətində onda ümid, inam yaratmaqla müalicəyə başlamış olur. Həkimin xoş sözü, mehribanlığı, həssaslığı, qayğıkeşliyi xəstənin vəziyyətinə bir qayda olaraq müsbət təsir göstərir. Ailəsindən, qohum və tanışlarından, dostlarından ayrı düşmək xəstələri kövrəldir. Fikrən həssas olan insan, xəstələndikdə daha da həssas olur. Yerində işlədilməyən sözə, hərəkətə qarşı ciddi reaksiya verir. Belə hallarda həkimin qayğısı,səmimiyyəti ən təsirli müalicə vasitəsidir.
Müqəddəs peşəsi, bilik və bacarığı və təyin etdiyi dəqiq diaqnozları ilə neçə-neçə pasiyentlərin təbəssümünü özünə qaytaran, hər birinin ürəyində bir ümid çırağı yandıran Vüqar həkim ona müraciət edən xəstələrinin hər zaman sevimlisidir. Bütün stomatoloji xəstəliklərinin ,eləcə də  müayinə və müalicəsi üzrə peşəkar həkimlərdən sayılır.
Sözsüz ki, hansı sahədə çalışmasından asılı olmayaraq, əsas məqsəd işini sevərək yerinə yetirmək və gördüyün işlə insanlara, cəmiyyətə faydalı, gərəkli olmaqdır. Vüqar Qarayevin timsalında isə sənətini dərindən bilən, həkim adını öz əməlləri ilə layiqincə doğrultmağı bacaran, işini vicdanla yerinə yetirən bütün həkimlərimiz bu cəmiyyətin ən gərəkli, ən çox ehtiyac duyulan və ehtirama layiq şəxsləridir. Bütün insanı keyfiyyətləri özündə formalaşdıran, ruhunu ilahiyə təslim edən Vüqar həkim şəfalı əllərilə hələ neçə-neçə ailələrin  üzünü güldürüb, ailəsinə sağlamlığı hədiyyə edəcək.
Əziz və hörmətli həkim-stomatolo Dr. Vüqar Qarayev! Sizin elmi biliklərinizin, təcrübənizin bar bəhəri təyin etdiyiniz dəqiq diaqnozlardır. Fəaliyyətiniz boyunca çəkdiyiniz zəhmətlər və yaratdığınız gözəlliklər nuri- ziya olub yollarınıza çilənsin. Bütün işlərinizdə uğurlar, ailənizlə, əzizlərinizlə bərabər sizə sizə uzun ömür və xoşbəxt həyat arzulayırıq. Bir daha Vüqarl həkimə uğurlar diləyir, işinin, halal zəhmətinin layiqincə bəhrəsini görməyini arzu edirəm.

Gün ərzində onlarla arzusunda olan pasiyentlərə sağlam təbəssüm yaşadan Vüqar həkim, onlarla  bərabər həmin hissləri, həyəcanı və sevinci yaşadığını söyləyir.